Əskərimizə güllə atanlar məhv edilməlidir .

15  iyun  2023 - cü  il  tarixində  səhər  saatlarında  Azərbaycan  Respublikasının  Dövlət  bayrağının  qaldırılması  zamanı  Ermənistan  silahlı  dəstələri  Azərbaycanın  sərhəd  - buraxılış    məntəqəsini  atəşə  tutub .

   Hadisə  nəticəsində  Dövlət  Sərhəd  Xidmətinin  ( DSX)  hərbiçisi  yaralanıb .  Xoşbəxtlikdən  yaralanan  sərhədçinin  vəziyyəti  stabildir , ona  ilkin tibbi  yardım  göstərilib .
   Cavab atəşi ilə düşmənin atəş nöqtəsi susdurulub, əməliyyat şəraiti bölmələrimizin nəzarəti altındadır.
  Bundan başqa, iyunun 15-də  Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri kənd təsərrüfatı işləri adı altında Azərbaycan Ordusunun Füzuli rayonu istiqamətində yerləşən mövqelərinin qarşısında uzunmüddətli fortifikasiya qurğularını quraşdırmağa cəhd  göstəriblər.
  Bölmələrimiz tərəfindən görülən təxirəsalınmaz tədbirlər nəticəsində aparılan işlər dərhal dayandırılıb.
   Müşahidələr  göstərir  ki ,  ermənilər  bir  tərəfdən  " Sülh  müqaviləsi "  istiqamətində  danışıqlarda  iştirak  edir ,  diğər  tərəfdən  isə  təxribatlarını  davam  etdirirlər.
   Yəni , sözləri  ilə  əməlləri  ziddiyyət  təşkil  edir . 
  Əslində  Ermənistan  imza  atdığı   10  noyabr  2020 - il  tarixli  Bəyannaməsinin  heç  bir  maddəsinə  əməl  etməyib :
-  Bu  günə  kimi  qeyri - qanuni  silahlı  dəstələrini  Qarabağdan  çıxartmayıb .
 -  Sərhədlərin  delimitasiyası  məsələsində  hərəkət  etməyib .
- Zəngəzur  dəhlizinin  açılması  istiqamətində  heç  bir  addım  atmayıblar .
  Ermənilər  Laçın  sərhəd - buraxılış  məntəqəsində , ümumilikdə  isə  Qarabağda  hərbi -  silahlı  təxribatlar  törədirlər .
    Belə  təsurat  yaranır  ki , onlar ( ermənilər ) danışıqlar  vasitəsiylə   sülh  məsələsində  vaxtı  uzadırlar .
   Məqsədləri  güc  toplayıb  yenidən  revanş  götürmək , Azərbaycan  üzərində  qələbə  çalmaqdır .
  Təbii  ki , onları  bu  sərsəm  ideyaya  yönəldən  :  " iranlı  fars  qardaşları " , fransız  bacıları " və " rus  dayılarıdır " .
  Ermənistanın  Baş  Naziri  Nikol  Paşinyan  da   Qərblə  Rusiya  arasında  manevr  edir .  Bu  mərhələlərdə  şəraitdən  asılı  olaraq  tez - tez  ziddiyətli  bəyanatlarla  çıxış  edərək   vaxt  qazanmağa  çalışır .
  Əslində  isə  hamı  Ukrayna  Rusiya  müharibəsinin  sonluğunu ,  nəticələrini  gözləyir .
   Azərbaycan  xalqının  səbiri  də  hüdudsuz  deyil .  Biz  haqlı və  qalib  tərəfik .
   Şuşada  Türk  Konsulluğunun  açılmasını  tezləşdirməli   və  Şuşa  Bəyənnaməsinin  şərtlərinə  uyğun  olaraq , ərazilərimizin  müdafiəsini  təşkil  etməliyik . 
 Respublikamızın   maraqlarını  həyata  keçirməliyik . 

Jurnalist - politoloq ,
Qəvami  Sadıqbəyli .
Xudaferin.eu