Qarabağ münaqişəsində İtkin Düşmüş Şəxslərin Axtarılrması, Əsir və Girovların Azad Olunması üzrə Beynəlxalq İşçi Qrupunun həmsədrləri Svetlana Qannuşkina, Paata Zakareişvili, Bernhard Klazen 17-18 iyulda sülhyaratma fəaliyyətlərini davam etdirmək üçün Dağlıq Qarabağda əlaqələrin bərpa olunması məqsədilə Xankəndi şəhərinə səfər edib. Bu barədə İtkin Düşmüş Şəxslərin Axtarılrması, Əsir və Girovların Azad Olunması üzrə Beynəlxalq İşçi Qrupunun üzvü Əvəz Həsənov “Amerikanın Səsi” radiosuna  bildirib.

Beynəlxalq İşçi Qrupu 2017-ci ilin yanvar ayında Bakıda səfərdə olub, Azərbaycanın rəsmiləri, vətəndaş cəmiyyətinin nümayəndələri ilə görüşüb. İyulun 15-də Ermənistanın İtkin Düşmüş Şəxslər, Əsir və Girovlarla iş üzrə Dövlət Komissiyası Beynəlxalq İşçi Qrupunun nümayəndəsini qəbul edib.

Həsənovun sözlərinə görə, həmsədrlərin Dağlıq Qarabağa səfərindən sonra Azərbaycana səfər edəcəyi gözlənilir. Beynəlxalq İşçi Qrupunun nümayəndələri sülhyaratrma fəaliyyətinə 90-cı illərin əvvəllərində başlayıb.

Amerikaninsesi.org