Güney Azərbaycanın Əhər .əhərində 40 nəfər milli fəal haqqında hökm çıxarılıb

Güney Azərbaycanın Əhər şəhər məhkəməsi bir neçə dosyeni birləşdirərək kütləvi şəkildə mühakimə etdiyi 40-a yaxın Güney Azərbaycan Milli Hərəkatının fəalalrı haqqında həbs və bəraət hökmləri çıxarıb. Məhkəmə 2015-ci il oktyabr ayında Tehran televiziya ilə yayımlanan “Fitilə” adlı uşaq proqramında türklərin aşağılanması ardından keçirilən “anti-irqçilik” etirazlarına qatılan 7 nəfər milli fəalı 10 ay və 7 ay həbsə məhkum edib. Həbs cəzası alan milli fəallara qarşı mollakratiya rejimi “milli təhlükəsizliyi pozmaq məqsədi ilə toplaşma və sözləşmə” və “rejimə qarşı təbliğat” ittihamları irəli sürülüb.

Beləliklə Saleh Molla-Abbasi, Əkbər Əbulzadə və İbrahim Nuri 10 ay, İsrafil Fəthullahzadə, Hamid Allahverdipur, Murtaza Şükri və Süleyman Kazımi isə 7 ay həbs müddətinə məhkum olunublar. Bütün bunlar azmış kimi, İbrahim Nuri və Əkbər Cahangiri əlavə olaraq siyasi məhbuslarla bağlı kampaniya təşkil etmək və Uyğur Türklərinə dəstək mitinqlərinə qatıldıqları üçün həbs cəzası alıblar. İbrahim Nuriyə 6 ay, Əkbər Cahangiriyə isə 4 ay həbs hökmü çıxarılıb.

Həbs cəzası alan fəallara qarşı mollakratiya rejiminin “milli təhlükəsizliyini pozmaq məqsədi ilə toplaşma və sözləşmə” və “rejimə qarşı təbliğat” ittihamları irəli sürülüb.

Əhər məhkəməsi, həmçinin “anti-irqçilik” etirazları ilə bağlı mühakimə edilən 17 fəal, habelə fevral 2014-cü ildə “Dünya Ana Dili Günü” münasibəti ilə Əhərdə keçirilən tədbirlə əlaqədar mühakimə edilən 22 fəala bəraət hökmü verib. Bəraət hökmü alan müttəhimlərdən yazar və türk dili müəllimi Məhəmməd Rəhmanifər ana dili günü tədbirinə qatılanların hamısına bəraət hökmü verilməsini müsbət bir addım kimi dəyərləndirib.

“Ana dili sahəsində fəaliyyət göstərən və bu məhkəmənin müttəhimlərindən biri olaraq, şəxsən bu qərarı müsbət qarşılayıram. Bu bəraət hökmünün ölkədəki dillərin inkişafı istiqamətində şəraitin yaxşılaşması ilə nəticələnməsinə ümid edirəm,” deyə Rəhmanifər öz Facebook səhifəsində paylaşıb. Onu da bildirmək gərəkdir ki, ötən illər ərzində Əhərdən əlavə Güney Azərbaycanın müxtəlif şəhərləri və Tehranda onlarla türk dil haqları müdafiəçisi Dünya Ana Dili Günü və türk dilində məktəblərin açılışı münasibəti ilə tədbirlərə qatıldıqları üçün nəzarət altına alınıb və mühakimə olunublar. Onlardan bəzisi həbs hökmü ilə qarşılaşıb, bir çoxunun isə məhkəmə prosesi davam etməkdədir.

Xudaferin.eu
Güney Azərbaycan, “Tərbiz Bürosu”