Avropada "Azərbaycan Dostları" Cəmiyyətinin bəyanatı

Avropada "Azərbaycan Dostları" Cəmiyyətnin fəalları son 3 ilə yaxındır ki, Vatsap-da "Ya Qarabağ, ya ölüm" adlı qrup yaratmışıq. Qrupda təxminən 110 nəfər soydaşımız var. Bütün dünyada müxtəlif ölkələrdə yaşayan soydaşlarımızdan, tərkibi alimlər, jurnalistlər, vətənpərvər, ziyalılar və sıravi soydaşlarımızdan ibarətdir. Burada heç bir siyasi partiyanın mövqeyi və hakimiyyətə nə dövlətə yönəlməyib. Yalnız Qarabağla bağlı diskussiyalar aparırıq ki, Qarabağ unudulmasın.

Bu gün qrupun gənc üzvlərindən Məmməd Əlisoy adlı soydaşımızı yaşadığı Siyəzən rayonunda yerləşən kiçik dükanından həbs edərək aparıblar Siyəzən rayon polis idarəsinə. Bu cür qanacaqlı, ürəyində Qarabağ sevgisi olan bir gənc nəyə görə tutulub, hansı əsaslarla həbs olunub, bu haqda məlumatımız yoxdur.

Biz Avropada "Azərbaycan Dostları" Cəmiyyəti adından, həmçinin vətənpərvərlərimizin bir qisminin toplaşdığı Vatsap-da "Ya Qarabağ, ya ölüm" adlı qrupu adından biz aidiyyatı qurumlardan, hökumətdən, xüsusilə Daxili İşlər Nazirliyindən Məmməd Əlisoyun təcili azadlığa buraxılmasını tələb edirik. Hesab edirik ki, haqsız yerə həbs olunan bu gənclə bağlı əlavə etiraz dalğasının yaranmasına gərək yoxdur. Bu hal yalnız bizi bir xalq kimi zəiflədə və hökumətdən rəncidə sala bilər.

Avropada "Azərbaycan Dostları" Cəmiyyəti,

 "Ya Qarabağ, ya ölüm" adlı vatsap qrupu

19:02