“Wi-Fi” şifrləmə protokolunda aşkar edilmiş təhlükəli boşluq nəticəsində “Android” sistemi ilə işləyən smartfonların 41 faizi “KRACK” hücumu qarşısında dayanıqsızdır.

“KRACK” hücumu yalnız simsiz marşrutlayıcıları deyil, həmçinin “Windows”, “iOS” və “macOS” sistemi ilə işləyən kompüterləri təhdid edir, lakin “Android” və “Linux” istifadəçiləri daha böyük təhlükə ilə üz-üzədir. Təhlükəsiz rabitə kanalına müdaxilə edən haker məxfi informasiyanı ələ keçirə, trafiki dəyişə, zərərverici kod tətbiq edə və qanuni proqramları saxtaları ilə dəyişdirə bilər. “Android” və “Linux” sistemlərində “Wi-Fi” parola müdaxiləyə ehtiyac yoxdur: şəbəkənin əhatə zonasında olmaq kifayət edir. “Google” bu problem barədə xəbərdar edilib və noyabrın 6-da təhlükəsizlik paketi çıxaracaq.

“Microsoft” şirkəti artıq “Windows” sisteminin bütün dəstəklənən versiyaları üçün təhlükəsizlik paketləri çıxarıb. Simsiz giriş nöqtəsi və qurğular arasında məlumatların təhlükəsiz ötürülməsini təmin edən “WPA2” (“Wi-Fi Protected Access II”) şifrləmə protokoluna müdaxilə haqda dünən məlum olub. Potensial təhlükə haqda “US-CERT” təşkilatı məlumat verib.

Xudaferin.eu
“Avropa Bürosu”