“Qətər məsələsi” OPEK üzvlərini iki fərqli cəbhəyə ayırıb. Bir neçə Ərəb dövlətinin Qətər ilə diplomatik əlaqələrini kəsməsi neftin dünya bazar qiymətinə artıq təsir göstərməkdədir. Bir sıra gözləntilərin əksinə olaraq neftin qiymətində azalmalar müşahidə edilir”. Bu barədə İqtisadi və Sosial İnkişaf Mərkəzinin sədri Vüqar Bayramov açıqlayıb.

“Artıq Brent markalı neftin hər barelinin qiyməti 50 dollardan aşağıdır. Texas markalı neftin bir bareli isə 47 dollara yaxınlaşır. Qiymətin aşağı düşməsi OPEK üzv olan ölkələr arasındakı dimplomatik gərginlik ilə bağlıdır. Belə ki, bu gərginliyə görə OPEK-in hasilatın azaldılması ilə bağlı öhdəliklərin yerinə yetirilməməsi riski dünya bazarına təsir göstərməkdədir. Sədiyyə Ərəbistanının Qətəri blokadası heç də bu ölkənin neft ixracatında problemlər yaratmayıb”

“Praktik olaraq, “Qətər məsələsi” OPEK üzvlərini iki fərqli cəbhəyə ayırıb. Bu isə tərəflərin neft hasilatının azaldılması ilə bağlı öhdəliklərə necə əməl etməsinin monitorinq imkanklarnı xeyili məhdudlaşdırır. Digər tərəfdən isə, gələcəkdə hasilatın daha böyük həcmdə azaldılması ilə bağlı gözləntilərin də üstündən xətt çəkmiş olur. Digər tərəfdən, Sədiyyə Ərəbistanının Qətəri blokadası heç də bu ölkənin neft ixracatında problemlər yaratmayıb. Deməli, dünya bazarında neft təklifi dəyişməyib, amma bununla belə, bazarda qiymətləri azaldan ciddi psixoloji faktorlar var” - deyib iqtisadçı.
 

“Neftin dünya bazar qiymətində daha kəskin enişlər istisna edilmir”

Bayramov nəzərə çatdırıb ki, körfəz ölkələrində müşahidə edilən son diplomatık gərginlik OPEK-in neft bazarına təsir imkanlarını xeyili məhdudlaşdırmaqla yanaşı, hasilatın azaldılması ilə bağlı öhdəliklərin yerinə yetirilməsini də xeyili çətinləşdirib: “Bu isə nəticədə qiymətlərin azalmasını stimuallaşdırır. Əgər Qətərin neft ixracatında hər hansı azalmalar olmazsa, neftin dünya bazar qiymətində daha kəskin enişlər istisna edilmir”.

Şamo
Hurriyyet.org