Activities calendar

Azərbaycanlı gənc Ramil Nəcəfov “Qarabağ” avtomobil modelinin dizaynını hazırlayıb.

Gənc deyir ki, dünyada Qarabağın tanınması üçün bu addımı atıblar. Dizaynın hazırlanmasına təxminən 8 aya yaxın müddətdə vaxt sərf edilib.

Xudaferin.eu Xəzər TV-yə istinadən xəbər verir ki, Ramil Nəcəfov dizaynı xarici şirkətlərə göndərib və müsbət cavab alıb. Onun ən böyük arzusu dizayna uyğun avtomobilin istehsal edilməsidir.

Qeyd edək ki, gənc bundan əvvəl bir neçə avtomobilin və qırıcı təyyarənin dizaynını hazırlayıb.

Xudaferin.eu

Rusiyanın paytaxtı Moskvada “Elektron sənədlərin idarə olunmasının aktual problemləri” mövzusunda XXIV Beynəlxalq konfrans təşkil edilib.

Rusiyanın Federal Arxiv Agentliyi və Ümumrusiya Sənədşünaslıq və Arxiv İşi üzrə Elmi-Tədqiqat İnstitutunun təşkilatçılığı ilə reallaşan konfransda ölkəmizi Milli Arxiv İdarəsinin əməkdaşı Natiq Eminov təmsil edib.

Konfransda ölkəmizlə yanaşı, Belarus, Almaniya, Qazaxıstan, Qırğızıstan, Çin, Moldova, Polşa, Sloveniya, Tacikistan, Özbəkistan, Finlandiya və İsveçdən olan aidiyyəti nümayəndələr də iştirak edib.

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 142 dəfə pozub.

ABŞ-ın Karneqi Mellon Universitetinin tədqiqatçıları neyroşəbəkəyə insanı sözlərarası nəfəs almalar üzrə tanımağı öyrədiblər. Tədqiqatda istifadə olunan uzunmüddətli yaddaşa malik neyroşəbəkəyə ingilis dilində xəbər buraxılışları yüklənib. Bu informasiya əsasında ona nitqi, daha sonra ayrı-ayrı fonemləri tanımaq öyrədilib.

İspaniyanın paytaxtı Madriddə yerləşən “Gayanes” erməni restoranının menyusuna gürcü mətbəxinin nümunələrinin əlavə edilməsi bu ölkədə yaşayan gürcü icmasının etirazı ilə qarşılanıb.

“Brexit” üzrə danışıqlarda üç əsas mövzu - vətəndaşların hüquqlarının qarşılıqlı qorunması, İrlandiya sərhədləri və Britaniyanın Avropa İttifaqının tərkibindən çıxmağa görə ödəyəcəyi vəsait məsələlərində irəliləyiş əldə olunub.

Xudaferin.eu Euronews telekanalına istinadla xəbər verir ki, bu barədə məlumat Böyük Britaniya-Aİ danışıqlarının ilk mərhələsinin nəticəsi üzrə məruzədə yer alıb.

Dekabrın 8-də İranın paytaxtı Tehran daxil olmaqla Təbriz, Urmiya, İsfahan, Şiraz və başqa böyük şəhərlərdə kütləvi yürüş keçirilib.

AZƏRTAC xəbər verir ki, yürüşə çıxanlar ABŞ-ın Qüds şəhərini İsrailin paytaxtı kimi tanıması haqqındakı qərara etirazlarını bildiriblər.

Əllərində “Qüdsə azadlıq” şüarları tutan insanlar beynəlxalq təşkilatlardan ABŞ-a təsir göstərməyi tələb ediblər.

Yürüşlər davam edir.

Rabil Kətanov
AZƏRTAC

Dekabrın 8-də Azərbaycan Dövlət Pedaqoji Universitetində (ADPU) Azərbaycan vokal məktəbinin banisi, görkəmli xanəndə, Xalq Artisti Bülbülün 120 illik yubileyinə həsr olunmuş konsert proqramı keçirilib.

ADPU-dan AZƏRTAC-a bildirilib ki, tədbir iştirakçıları əvvəlcə Bülbülün həyat və yaradıcılığını əks etdirən sərgi ilə tanış olublar.

Tədbirdə musiqi və onun tədrisi metodikası kafedrasının baş müəllimi Şəhla Quliyeva Prezident İlham Əliyevin 2017-ci il mayın 11-də “Bülbülün 120 illik yubileyinin keçirilməsi haqqında” Sərəncam imzaladığını xatırladıb.

Pakistan Hərbi Hava Qüvvələri respublikanın hava məkanını pozan bütün hərbi təyyarələri, o cümlədən ABŞ təyyarələrini vuracaq.

Xudaferin.eu-nun məlumatına görə, bunu Pakistan İslam Respublikası Hərbi Hava Qüvvələrinin komandanı Sühey Aman deyib.

Bu qərarın bir həftə əvvəl Pakistan-Əfqanıstan sərhədində yerə düşən pilotsuz uçuş aparatının aşkar edilməsindən sonra qəbul edildiyi bildirilir.

S.Aman qeyd edib ki, heç bir ölkənin, o cümlədən ABŞ-ın Pakistanın hava məkanını pozma haqqı yoxdur.

Xudaferin.eu

Əfqanıstanın paytaxtı Kabildə partlayış olub. Xudaferin.eu-nun məlumatına görə, yerli telekanal partlayış nəticəsində azı 2 nəfərin öldüyü, daha 6 nəfərin xəsarət alması barədə xəbər yayıb.

Məlumata görə, partlayıcı qurğu paytaxt bazarlarından birində partlayıb.

Terror qruplaşmalarından hələ heç biri partlayışa görə məsuliyyəti üzərinə götürməyib.

Xudafein.eu

Prezident İlham Əliyev Abbasəli Həsənovun Azərbaycanın Tacikistanda səfiri vəzifəsindən geri çağırılması haqqında sərəncam imzalayıb.

Sərəncamda qeyd olunur ki, Abbasəli Kərəm oğlu Həsənov Azərbaycan Respublikasının Tacikistan Respublikasında fövqəladə və səlahiyyətli səfiri vəzifəsindən geri çağırılsın.

Dövlət başçısının digər sərəncamı ilə Kamil Tacid oğlu Xasiyev Azərbaycanın Xorvatiyada fövqəladə və səlahiyyətli səfiri vəzifəsindən geri çağırılıb.

2018-ci il yanvarın 1-dən Özbəkistana 2000 dollar ekvivalentində pul keçirmək və ölkədən bu məbləğədək pul çıxarmaq üçün fiziki şəxslərin icbari bəyannamə vermə qaydası ləğv edilir.

Trend-in məlumatına görə, bu barədə Özbəkistan prezidentinin “Fiziki şəxslər tərəfindən ölkəyə nağd xarici valyutanın gətirilməsi və ölkədən çıxarılması qaydalarının sadələşdirilməsi” haqqında fərmanında deyilir.

Yeni fərmana əsasən fiziki şəxslər Özbəkistana 2000 dollardan çox pul keçirəcəyi təqdirdə bəyannamə verəcəklər.