Avropa İttifaqı (Aİ) 2017-ci ilin sonuna qədər şirkətlərin və fiziki şəxslərin milli vergi ödənişindən yayınmaqla maliyyə fəaliyyətini həyata keçirdikləri ofşor ölkələrinin siyahısını tərtib etmək niyyətindədir.
 

Bu barədə iqtisadiyyat və maliyyə məsələləri üzrə avropa komissarı Pyer Moskovisi İtaliyada yayımlanan “Report” proqramına müsahibəsində bildirib. “Bu ilin sonuna qədər vergi “cənnətlərinin” siyahısını hazırlamağa söz vermişdik. Aİ layiq olanları sərt cəzalandıracaq”, – P.Moskovisi qeyd edib.

Onun sözlərinə görə, hazırda Aİ 90 ölkəni izləyir. Avropa Komissarı əlavə edib ki, bu ölkələr “qara siyahı”ya daxil olmaq istəməsələr, Aİ-nin müəyyən edilmiş bütün qaydalarına riayət etməlidirlər. “Maliyyə vasitəçilərinə nəzarət sisteminin islahatı üzərində işləyirik və şübhəsiz ki, onların fəaliyyəti daha şəffaf olmalıdır”, – P.Moskovisi bildirib.
Qeyd edək ki, ofşor bank və maliyyə hesabları bu gün nəinki Avropa Birliyini, eləcə də bütün dünyanı təhdid altında saxlayır. Ona görə də, demokratik yolla inkişaf etmək istəyən Avropa Birliyi üzvü olan ölkələrdə son illərdə bir sıra dəhşət saçan problemlər yaranmağa başlayıb. Gözlənilən fəlakət sadəcə dünya demokratiyasının pozulması ilə deyil, həm də Avropa Birliyinin qorunub saxlanılması üçün ən ağır problemlərə səbəb olubdur.

Xudaferin.eu

"Avropa Bürosu"