Uzun illərdi Azərbaycanda belə bir iyrənc tendensiya var. Kim olursan ol, adamın olmadı dahi olsan belə səni saya salmayacaqlar.

II Dünya Müharibəsində əfsanəvi partizan Mehdi Hüseynzadəyə ölümündən 12 il keçəndən sonra Sovet İttifaqı Qəhrəmanı adı verildi. Elə həmin Dünya Müharibəsində tank qoşunları generalı Həzi Aslanova rəsmi qazandığı ikinci qızıl ulduzu ölümundən düz 45 sonra verdilər.

Sovetlərdən qalan bu mürtəce tendensiya bu gündə Azərbaycanda davam etməkdıdir. İstəyir klassik şair, yazıçı, alim olsun, adamı yoxdursa xatırlayan belə olmayacaq...

Natıq Qasımlı elə bir əfsanəvi qəhrəmanıdır ki, bundan sonra yüz illər belə keçsə də, nəyinki Azərbaycan gəncliyinə, hətta mən deyərdim dünya gəncliyinə cəsurluq nümunəsi olacaq. Əgər Natiq başqa millətlərə və dövlətlərə aid olsaydı, onun həyatından filmlər, seriallar çəkərdilər...

Nolar Natıq Qasımlının adamı yoxdur, kimsəsizdir. Məgər O 50 milyon azər türkünün qardaşı deyilmi?

Məgər bu dövlət onun valideyini deyilmi? Axı dünyanın hər yerində dövlət vətəndaşın valideyinidir.

Nolsun ki, onun prezident aparatında, müdafiə, daxili işlər nazirliklərində qohumu əqrabası yoxdur. Məgər velə bir əfsanəvi qəhrəmana ölümündən sonra Azərbaycan Respublikasının Milli Qəhrəmanı adı vermək olmazmı?

Başa düşmürəm... Bəlkə bunun üçün imza toplayıb kiməsə yalvarmalıyıq, yada pul yığıb kiməsə rüşvətmi çəkməliyik?...

Çox təssüflər olsun ki, Azərbaycanda vətəndaşlara insan kimi yanaşan məmur tapmaq çox çətindir...

Məzarı bəlli olmayan qəhrəmanımız sən hər bir vicdanlı azərbaycanlının ailəsinin bir üzvüsən.

Azərbaycanın kasıb, fəqət qeyrıtli oğulları sənin qisasını aldılar...

Sənin ruhun önundə diz çöküb baş əyirəm Natiq.

Səni dayima qəlbində, ruhunda gəzdirən:

Elman Mustafazadə
Xudaferin.eu