Türkiyə Kommunist Partiyasının liderlərindən olan Nübar Ozanyan ötən yüzilin 90-cı illərində erməni separatçılarının sıralarına daxil olub və 6 il ərzində PKK-nın sıralarında Türkiyə dövlətinə qarşı fəaliyyət göstərib. “Yeni Şafak” qəzeti erməni PKK terrorçusunun Suriyada öldürüldüyü xəbərini verib.

Türkiyə Kommunist Partiyasının açıqlamasında Ozanyanın Suriyanın Rakka şəhərində  İŞİD-dən olan həmkarları ilə atışma zamanı öldürüldüyü bildirilir.

Ozanyanın ölümü PKK-ya yaxın olan mənbələr tərəfindən də təsdiq olunub. O, avqustun 14-də artilleriya mərmisi zərbəsindən parça-parça olub. İstanbulda yerləşən “Nor Zartnok” erməni təşkilatı terrorçunun ölümü ilə bağlı başsağlığı yayıb.

Ozanyan Leninin və Şaumyanın əsərlərini türk dilinə tərcümə edib. 1988-90-cı illərdə Fələstində, 1991-92-ci illərdə Qarabağda ermənilərin tərəfində döyüşüb. 2014-cü ildə Quzey İraq dağlarındakı əməliyyatlarda iştirak edib, 2015-ci ildən isə Suriya kürdlərinin sıralarındadır. Yaxın Şərqdə müxtəlif millətlərdən olanyaraqlıların təlimlərində iştirak edib.

Hurriyyet.org