Prezident aparatının nümayəndəsinin kəskin reaksiyasını görən ermənilər qaldırmaq istədikləri parçanı gizlətməyə məcbur oldular. Rusiyada 4 noyabr “Xalqların milli birlik günü” kim qeyd olnur. Artıq ənənə olaraq hər il bu gün Rusiya Federasiyasının hər bir şəhərində paradlar keçirilir. Moskvada Qırmızı meydanda təşkil olunan ümumxalq yürüşündə azərbaycanlılarda iştirak etdilər. Ümumrusiya Azərbaycan Kongresi, Azərbaycan mədəniyyətinin intibah və inkişaf fondu, Azərbaycan Slavyan Gənclər assosiyasiyasının Rusiya nümayəndəliyinin fəalları Qırmızı meydandakı ümumxalq yürüşündə iştirakla yanaşı Azərbaycan mədəniyyətini də təbliğ etdilər. Musiqi alətləri, milli rəks, milli geyim və Azərbaycan mətbəxi yürüş iştirakcılarına təqdim olundu. Qırmızı Meydandaki yürüşdə insidentdə yaşandı. Qondarma Dağlıq Qarabağ Respublikasının bayrağını qırmızı meydanda qaldırmağa çalışsalar da, azərbaycanlıların vaxtında reaksiyası nəticəsində bunun qarşısı alındı. Ümumrusiya Azərbaycan Kongresinin Moskva nümayəndəliyinin icraçı direktoru Şamil Tağıyev İnterAz-a açıqlamasında yürüşdə iştirak edən Rusiya prezident admnistrasiyasının nümayəndələrinin və hüquq mühavizə orqanlarının əməkdaşlarının da bu məsələyə mənfi münasibət göstərdiyini bildirdi və Prezident aparatının nümayəndəsinin kəskin reaksiyasını görən ermənilər qaldırmaq istədikləri parçanı gizlətməyə məcbur oldular.

Xudaferin.eu