Əli Kopuz: Prezident İlham Əliyevin Rizeyə təşrif buyurması bizi son dərəcə qürurlandırdı

Azərbaycan Prezidenti İlham Əliyevin ali qonaq kimi Rizeyə təşrif buyurub dövlət başçımız Rəcəb Tayyib Ərdoğanla birlikdə Rize-Artvin Hava Limanının açılış mərasimində iştirak etməsindən çox qürurlandıq. Bu təşrif gerçəkdən də əsl qardaşlığın bariz nümunəsidir.

Bu fikirləri AZƏRTAC-a açıqlamasında İstanbul Ticarət Birjasının sədri Əli Kopuz ifadə edib.

Son vaxtlar Rizenin iqtisadi inkişafına böyük məbləğdə sərmayələr cəlb edildiyini diqqətə çatdıran Əli Kopuz əminliklə deyib ki, Rize-Artvin Hava Limanı bütövlükdə Anadolunun Qara dəniz bölgəsinə yetərincə faydalar gətirəcək.

İstanbul Ticarət Birjasının sədri deyib: “Azərbaycan canımızın bir parçasıdır. İnşallah ki, Rize-Artvin Hava Limanı Türkiyə qədər Azərbaycan üçün də faydalı olar. Bölgəmizə gediş-gəlişin artması böyük bir coğrafiya üçün səmərəli nəticələr verəcəkdir. Əhalinin rifahının yüksəlişi Türkiyə dövlətinin ana hədəfidir”.

 

Sabir Şahtaxtı

Xudaferin.eu

13:26