Azərbaycanın Rusiyadakı səfiri, Moskvada akkreditə edilmiş diplomatik korpusun duayeni Polad Bülbüloğlu Polşa Respublikasının, İsveç Krallığının və İran İslam Respublikasının Rusiyadakı səfirləri ilə görüşüb.
AZƏRTAC xəbər verir ki, Polad Bülbüloğlu Ermənistan-Azərbaycan münaqişəsi, onun tarixi, uzun illər aparılmış və heç bir fayda verməyən danışıqlar prosesi, BMT Təhlükəsizlik Şurasının məlum 4 qətnaməsi və digər beynəlxalq təşkilatlar çərçivəsində münaqişə ilə bağlı qəbul edilmiş çoxsaylı sənədlərin mahiyyətindən bəhs edərək, Prezident, Ali Baş Komandan İlham Əliyevin rəhbərliyi ilə müzəffər ordumuzun Vətən müharibəsində qazandığı parlaq Qələbə haqqında danışıb, Azərbaycanın öz suveren torpaqları naminə vuruşduğunu, beynəlxalq hüququn, haqq və ədalətin ölkəmizin tərəfində olduğunu bildirib. Eyni zamanda, münaqişəyə son qoymuş məlum üçtərəfli Bəyanatın müddəaları və postmünaqişə dövrü, azad olunmuş ərazilərimizdə sürətlə aparılan genişmiqyaslı bərpa və yenidənqurma işləri barədə qarşı tərəflərə ətraflı məlumat verib.
Polşanın Moskvadakı səfiri Kşıştof Krayevski ilə keçirilmiş görüşdə o, 2005-2010-cu illərdə öz ölkəsinin səfiri kimi Azərbaycanda çalışdığı dövrü hər zaman xoş xatirələrlə yad etdiyini, Azərbaycan Respublikası ilə Polşa Respublikası arasında əməkdaşlıq və qarşılıqlı əlaqələrin möhkəmləndirilməsində xüsusi xidmətlərinə görə, Prezident İlham Əliyevin Sərəncamına əsasən “Dostluq” ordeni ilə təltif edildiyini, Azərbaycanın onun həyatında xüsusi yeri olduğunu vurğulayıb.
İsveçin səfiri xanım Anna Malena Mard ilə görüşdə isveçli diplomat 2013-2017-ci illərdə Avropa İttifaqının (Aİ) ölkəmizdəki nümayəndəsi kimi çalışdığını və həmin dövr ərzində ölkəmizin tarixi, xalqımızın ənənələri ilə yaxından tanış olduğunu, Aİ-nin Azərbaycandakı nümayəndəsi qismində təmsil etdiyi qurumla ölkəmiz arasında əməkdaşlıq əlaqələrinin inkişafına töhfə verdiyini bildirib.
İranın səfiri Kazem Cəlali ilə görüşdə İranla Azərbaycan arasında tarixi, mədəni əlaqələrdən danışılıb, bununla yanaşı, iranlı diplomat dəfələrlə ölkəmizə parlament üzvü qismində səfərlər etdiyini bildirib, Bakıda gedən inkişafın onda olduqca müsbət təəssürat oyatdığını qeyd edib. Kazem Cəlali həllini tapmış Ermənistan-Azərbaycan münaqişəsi zamanı ölkəsinin Azərbaycanın haqq səsini dəstəklədiyini önə çəkib. İranlı səfir Azərbaycanın dövlət kimi formalaşmasında ümummilli lider Heydər Əliyevin müstəsna rolunu vurğulayaraq, onun görkəmli dövlət xadimi, Rusiyada keçirdiyi görüşlər zamanı Ulu Öndərin buradakı nüfuzunun şahidi olduğunu söyləyib
AZƏRTAC

Azərbaycanın Rusiyadakı səfiri Polşa, İsveç və İrandan olan həmkarları ilə görüşüb
28.10.2022 [15:04]SİYASƏT
Moskva, 28 oktyabr, AZƏRTAC
Azərbaycanın Rusiyadakı səfiri, Moskvada akkreditə edilmiş diplomatik korpusun duayeni Polad Bülbüloğlu Polşa Respublikasının, İsveç Krallığının və İran İslam Respublikasının Rusiyadakı səfirləri ilə görüşüb.
AZƏRTAC xəbər verir ki, Polad Bülbüloğlu Ermənistan-Azərbaycan münaqişəsi, onun tarixi, uzun illər aparılmış və heç bir fayda verməyən danışıqlar prosesi, BMT Təhlükəsizlik Şurasının məlum 4 qətnaməsi və digər beynəlxalq təşkilatlar çərçivəsində münaqişə ilə bağlı qəbul edilmiş çoxsaylı sənədlərin mahiyyətindən bəhs edərək, Prezident, Ali Baş Komandan İlham Əliyevin rəhbərliyi ilə müzəffər ordumuzun Vətən müharibəsində qazandığı parlaq Qələbə haqqında danışıb, Azərbaycanın öz suveren torpaqları naminə vuruşduğunu, beynəlxalq hüququn, haqq və ədalətin ölkəmizin tərəfində olduğunu bildirib. Eyni zamanda, münaqişəyə son qoymuş məlum üçtərəfli Bəyanatın müddəaları və postmünaqişə dövrü, azad olunmuş ərazilərimizdə sürətlə aparılan genişmiqyaslı bərpa və yenidənqurma işləri barədə qarşı tərəflərə ətraflı məlumat verib.
Polşanın Moskvadakı səfiri Kşıştof Krayevski ilə keçirilmiş görüşdə o, 2005-2010-cu illərdə öz ölkəsinin səfiri kimi Azərbaycanda çalışdığı dövrü hər zaman xoş xatirələrlə yad etdiyini, Azərbaycan Respublikası ilə Polşa Respublikası arasında əməkdaşlıq və qarşılıqlı əlaqələrin möhkəmləndirilməsində xüsusi xidmətlərinə görə, Prezident İlham Əliyevin Sərəncamına əsasən “Dostluq” ordeni ilə təltif edildiyini, Azərbaycanın onun həyatında xüsusi yeri olduğunu vurğulayıb.
İsveçin səfiri xanım Anna Malena Mard ilə görüşdə isveçli diplomat 2013-2017-ci illərdə Avropa İttifaqının (Aİ) ölkəmizdəki nümayəndəsi kimi çalışdığını və həmin dövr ərzində ölkəmizin tarixi, xalqımızın ənənələri ilə yaxından tanış olduğunu, Aİ-nin Azərbaycandakı nümayəndəsi qismində təmsil etdiyi qurumla ölkəmiz arasında əməkdaşlıq əlaqələrinin inkişafına töhfə verdiyini bildirib.
İranın səfiri Kazem Cəlali ilə görüşdə İranla Azərbaycan arasında tarixi, mədəni əlaqələrdən danışılıb, bununla yanaşı, iranlı diplomat dəfələrlə ölkəmizə parlament üzvü qismində səfərlər etdiyini bildirib, Bakıda gedən inkişafın onda olduqca müsbət təəssürat oyatdığını qeyd edib. Kazem Cəlali həllini tapmış Ermənistan-Azərbaycan münaqişəsi zamanı ölkəsinin Azərbaycanın haqq səsini dəstəklədiyini önə çəkib. İranlı səfir Azərbaycanın dövlət kimi formalaşmasında ümummilli lider Heydər Əliyevin müstəsna rolunu vurğulayaraq, onun görkəmli dövlət xadimi, Rusiyada keçirdiyi görüşlər zamanı Ulu Öndərin buradakı nüfuzunun şahidi olduğunu söyləyib.
Görüşdə “Şimal-Cənub” beynəlxalq nəqliyyat dəhlizinin regionumuz üçün əhəmiyyəti qeyd edilib və onun ölkələr üçün faydalı olacağına əminlik ifadə olunub. İki ölkə arasında ticari-iqtisadi, energetika və nəqliyyat sahələrində əməkdaşlığın xüsusi önəminə diqqət yetirilib.
Baş tutmuş bütün görüşlərdə Polad Bülbüloğlu Rusiya və Ukrayna arasında baş verənlərə toxunarkən, Azərbaycan Ukraynanın ərazi bütövlüyünü tanıdığını və mövcud vəziyyətdə ölkəmizin məsələnin dövlətlərin ərazi bütövlüyü və suverenliyi əsasında diplomatik dialoq vasitəsilə həllinin tərəfdarı olduğunu vurğulayıb. Ukraynada yaranmış vəziyyətlə əlaqədar Azərbaycan tərəfindən həmin ölkəyə bir neçə dəfə humanitar yardımların göndərildiyini deyən səfir, mövcud durumun ciddi narahatlıq doğurduğunu söyləyib, mülki əhali arasında böyük itkilərə səbəb olan bu böhrandan dərin təəssüf hissi keçirdiyimizi bildirib.
Həmçinin Azərbaycanla qeyd edilən ölkələr arasında mövcud ikitərəfli münasibətlərin hazırkı vəziyyəti və onların inkişaf perspektivləri, habelə regionda baş verən proseslər və maraq doğuran digər aktual məsələlər ətrafında geniş fikir mübadiləsi aparılıb.
Görüşlər əsnasında Polad Bülbüloğlu səfir həmkarlarına duayen qismində fəaliyyəti, Moskvada təşkil edilən çoxsaylı görüş və mədəni tədbirlər barədə məlumat verib.
Görüşlərin sonunda səfirlərə Heydər Əliyev Fondu tərəfindən nəfis şəkildə çap edilmiş “Zəfər salnaməsi” və “Qarabağ işğaldan əvvəl və sonra” kitabları hədiyyə edilib.

Fəridə Abdullayeva
Xudaferin.eu