Rabitəçilərin işi: sürücünün adına açılan şirkət və şişirdilmiş məbləğlər
Bakı Ağır Cinayətlər Məhkəməsində Rabitə və Yüksək Texnologiyalar Nazirliyinin sabiq Aparat rəhbəri Vidadi Zeynalov və digərlərinin cinayət işi üzrə məhkəmə prosesi davam etdirilib. Hakim Əfqan Hacıyevin sədrliyi ilə prosesdə şahidlər ifadə verib. “Akey” MMC-də baş mühasib işləmiş Nigar Əlizadə deyib ki, şirkətin “Carburq” şirkəti ilə müqaviləsi olub: “Şirkətə Ayaz Kərimov rəhbərlik edirdi və biz yalnız xidməti fəaliyyət göstərirdik. Aylıq 10 min dollar bizim hesabımıza “Carburq” şirkətindən pul göndərilirdi. Bizim şirkətdə MTN-ə aid avadanlıqlar vardı”.
Sabunçu Telefon Qovşağının rəisi olmuş Nəriman Salmanovun sözlərinə görə, tenderlərin keçirilməsi ilə bağlı sorğular formal təşkil edilib və siyahılar əvvəlcədən hazırlanıb: “Ayrılan vəsaitlər bəzi hallarda geri qaytarıldı. Mən bunu eşitmişəm ki, tenderlər formal keçirilirdi. Bu barədə rəhbərlik göstəriş verirdi. Rəqəmlər şişirdilirdi. Tenderlərə ayrılan vəsaitin 2,5 faizi bizə çatırdı. Bizə hər ay maaşdan əlavə vəsait ayrılırdı və bu məbləğ işçilər arasında bölünürdü. Bu məbləğin 500 manatı mənə çatırdı”.
Vəkillərin tələbi ilə N. Salmanovun ibtidai istintaqa verdiyi ifadə elan olunub. İfadə göstərilib ki, Beytulla Hüseynovun adından baş mühasibə hər ay 1200 dollar verilib: “2009-2015-ci ildə rəhbəri olduğum telefon qovşağında 13 milyon manat ayrılıb. Baş mühasib Anar Mustafayev tərəfindən Beytulla Hüseynov görülən işlərlə bağlı qiymətləri şişirdib, ancaq bu məbləğin sayını dəqiq deyə bilmərəm”.
Təqsirləndirilən Vidadi Zeynalovun sürücüsü Elçin Əliyev deyib ki, V. Zeynalov onun adına şirkət təsis edib: “O vaxt Vidadi Zeynalov məsləhət verdi ki, mənim yaşayışımı yaxşılaşdırmaq üçün adıma bir şirkət təsis edək. Ona görə TLC şirkətini yaratdı. Buradan gələn gəlirlərin bir hissəsi mənə çatırdı. Amma mən o şirkətin fəaliyyəti ilə bağlı məlumatsızam”.
Nəsimi Musayev deyib ki, “AzİnTelekom” MMC-də iqtisadçı vəzifəsində çalışıb. O qeyd edib ki, maaşından əlavə ayda 1000 manat maaş alıb. “Azintelekom” MMC-də çalışan Müzəffər Rüstəmov deyib ki, sabiq nazir Əli Abbasovun göstərişi ilə “Carburq” şirkəti ilə müqavilə imzalanıb.
Rabitəçilərin işi: sürücünün adına açılan şirkət və şişirdilmiş məbləğlər
Bakı Ağır Cinayətlər Məhkəməsində Rabitə və Yüksək Texnologiyalar Nazirliyinin sabiq Aparat rəhbəri Vidadi Zeynalov və digərlərinin cinayət işi üzrə məhkəmə prosesi davam etdirilib. Hakim Əfqan Hacıyevin sədrliyi ilə prosesdə şahidlər ifadə verib. “Akey” MMC-də baş mühasib işləmiş Nigar Əlizadə deyib ki, şirkətin “Carburq” şirkəti ilə müqaviləsi olub: “Şirkətə Ayaz Kərimov rəhbərlik edirdi və biz yalnız xidməti fəaliyyət göstərirdik. Aylıq 10 min dollar bizim hesabımıza “Carburq” şirkətindən pul göndərilirdi. Bizim şirkətdə MTN-ə aid avadanlıqlar vardı”.
Sabunçu Telefon Qovşağının rəisi olmuş Nəriman Salmanovun sözlərinə görə, tenderlərin keçirilməsi ilə bağlı sorğular formal təşkil edilib və siyahılar əvvəlcədən hazırlanıb: “Ayrılan vəsaitlər bəzi hallarda geri qaytarıldı. Mən bunu eşitmişəm ki, tenderlər formal keçirilirdi. Bu barədə rəhbərlik göstəriş verirdi. Rəqəmlər şişirdilirdi. Tenderlərə ayrılan vəsaitin 2,5 faizi bizə çatırdı. Bizə hər ay maaşdan əlavə vəsait ayrılırdı və bu məbləğ işçilər arasında bölünürdü. Bu məbləğin 500 manatı mənə çatırdı”.
Vəkillərin tələbi ilə N. Salmanovun ibtidai istintaqa verdiyi ifadə elan olunub. İfadə göstərilib ki, Beytulla Hüseynovun adından baş mühasibə hər ay 1200 dollar verilib: “2009-2015-ci ildə rəhbəri olduğum telefon qovşağında 13 milyon manat ayrılıb. Baş mühasib Anar Mustafayev tərəfindən Beytulla Hüseynov görülən işlərlə bağlı qiymətləri şişirdib, ancaq bu məbləğin sayını dəqiq deyə bilmərəm”.
Təqsirləndirilən Vidadi Zeynalovun sürücüsü Elçin Əliyev deyib ki, V. Zeynalov onun adına şirkət təsis edib: “O vaxt Vidadi Zeynalov məsləhət verdi ki, mənim yaşayışımı yaxşılaşdırmaq üçün adıma bir şirkət təsis edək. Ona görə TLC şirkətini yaratdı. Buradan gələn gəlirlərin bir hissəsi mənə çatırdı. Amma mən o şirkətin fəaliyyəti ilə bağlı məlumatsızam”.
Nəsimi Musayev deyib ki, “AzİnTelekom” MMC-də iqtisadçı vəzifəsində çalışıb. O qeyd edib ki, maaşından əlavə ayda 1000 manat maaş alıb. “Azintelekom” MMC-də çalışan Müzəffər Rüstəmov deyib ki, sabiq nazir Əli Abbasovun göstərişi ilə “Carburq” şirkəti ilə müqavilə imzalanıb.
APA.AZ
10:49
Digər xəbərlər