İyulun 8-də Bakı Şəhər Mədəniyyət və Turizm Baş İdarəsinin Bakı Uşaq Teatrı “Pəltək cücə” tamaşası ilə mövsümə yekun vuracaq.

Tamaşanın nümayişi teatrın müvəqqəti yerləşdiyi Qurban Abbasov adına Mədəniyyət Sarayında baş tutacaq. Türk xalq nağılı əsasında İlhamə Əhmədovanın quruluşunda hazırlanan “Pəltək cücə” tamaşasında hadisələr xoruzla toyuğun ailəsində baş verir. Ailədə olan 7 cücədən birinin dilində qüsur var. Bacı-qardaşları ona gülürlər. Vəziyyəti görən ana toyuq pəltək cücəni həkim tülkünün yanına aparır. Tülkü müalicə adı ilə cücəni xəstəxanada saxlayır. Sonda ailə birgə pəltək cücəni tülkünün əlindən qurtarır və söz verirlər ki, bir də bacılarına gülməyəcəklər.

Qeyd edək ki, tamaşanın rejissoru İlhamə Əhmədova, rejissor köməkçisi Niyaz Qasımov, musiqi tərtibatı Mahir İbrahimli, xoreoqraf Könül Şahbazova, musiqilərin mətnlərinin müəllifi isə Rafael Muradxanlıdır.

Xudaferin.eu