Azərbaycan Prezidenti İlham Əliyev Paraqvayın yeni Prezidenti Santyaqo Penyaya fəaliyyətə başlaması münasibətilə təbrik məktubu ünvanlayıb.

Xudaferin.eu AZƏRTAC-a istinadən xəbər verir ki, Paraqvay Prezidentini səmimi-qəlbdən təbrik edən dövlətimizin başçısı təbrikində vurğulayıb: “İnanıram ki, Azərbaycan ilə Paraqvay arasındakı dostluq münasibətlərinin həm ikitərəfli, həm də çoxtərəfli qaydada uğurla davam etdirilməsi üçün birgə səylər göstərəcəyik”.

Məktubunda ən xoş arzularını ifadə edən Prezident İlham Əliyev Santyaqo Penyaya dost Paraqvay xalqının rifahı naminə qarşıdakı məsul fəaliyyətində müvəffəqiyyətlər diləyib.

Xudaferin.eu