Bu barədə “XUDAFERİN.EU”-ya KXCP (Klassik Xalq Cəbhəsi Partiyası) mətbuat xidmətindən məlumat daxil olub. Açıqlamada qeyd olunur ki, Klassik Xalq Cəbhəsi Partiyasının İdarə Heyətinin toplantısı keçirilib. Burada qərarların icra vəziyyəti, ictimai – siyasi vəziyyət, qarşıda duran vəzifələr və cari məsələlər müzakirə olunmuş, müvafiq qərarlar qəbul edilmişdir.

İdarə Heyətinin yığıncağında Rusiyanın Ermənistan ordusu ilə hərbi birləşmələr yaradılması haqda qərarın qüvvəyə minməsi müzakirə edilmişdir. KXCP - Qarabağ probleminin həllində Rusiyanın iştirakından Azərbaycan xeyrinə və ədalətli mövqe gözləmədiyini qeyd edərək, indiyə kimi Rusiyanın Azərbaycana açıq düşmən münasibət bəslədiyinə əsaslanaraq, Rusiyanın ATƏTin Minsk qrupunun həmsədrliyindən çıxarılmasını tələb edir. KXCP - Azərbaycan hakimiyyətindən Rusiya və ermənistan arasında bağlanan hərbi birləşmələr haqqında olan müqaviləyə sərt münasibət bildirməyi tələb edir.
KXCP - Azərbaycan Milli Məclisinin deputatlarından milli mövqedə durmağı, rus meyilli və rusbaşlı olmamağı tələb edir. KXCP - Milli Məclisin deputatlarını Azərbaycan Respublikasının suverenliyinin əleyhinə olduqlarını onların və rəhbərlərinin nəzərinə çatdırır, özlərinə və sözlərinə sahib durmağı tələb edir. KXCP - İdarə Heyəti İraq və Suriya türkmənlərinə qarşı aparılan soyqırım siyasətinə etiraz edir, insanlığa qarşı aparılan qətliamın durdurulmasını tələb edir.

Xudaferin.eu