Activities calendar

Milli Məclisin (MM) növbədənkənar iclasında bir sıra qanunlara dəyişikliklər məsələsi müzakirə edilib və sənədlər barədə parlament sədrinin birinci müavini, adıçəkilən komitənin sədri Ziyafət Əsgərov məlumat verib.

Xudaferin.eu-nun xəbərinə görə, o, qeyd edib ki, 2016-cı ildə ölkəmizdə keçirilmiş referendum nəticəsində Konstitusiyaya edilən dəyişikliklər bəzi qanunvericilik aktlarının uyğunlaşdırılması zərurətini meydana gətirib.

Onun sözlərinə görə,  “Dövlət sirri haqqında” və “Sərhəd qoşunları haqqında” qanunlarda dəyişikliklər nəzərdə tutulur.

Bakıda və Abşeron yarımadasında iyunun 13-də hava şəraitinin dəyişkən buludlu olacağı, yağmursuz keçəcəyi gözlənilir. Lakin gecə yarımadanın bəzi yerlərində qısamüddətli yağış yağacağı ehtimalı var. Mülayim şimal-qərb küləyi əsəcək, gündüz şimal-şərq küləyi ilə əvəz olunacaq.

Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, havanın temperaturunun Abşeron yarımadasında gecə 15-18, gündüz 23-27, Bakıda gecə 15-17, gündüz 24-26 dərəcə isti olacağı gözlənilir.

Heydər Əliyev Beynəlxalq Aeroportu 2018-ci ilin ilk beş ayı ərzində 1,56 milyon sərnişinə xidmət göstərib. Bu göstərici ötən ilin analoji göstəricisindən 11 faiz çoxdur.  

Xudaferin.eu xəbər verir ki, “Azərbaycan Hava Yolları” (AZAL) milli aviadaşıyıcısının payına 631 min sərnişin, milli loukoster “Buta Airways”in payına isə 176 min sərnişin düşür. 

1 milyon 343 min sərnişin (ümumi sərnişin dövriyyəsinin 86 faizi) beynəlxalq reyslərlə daşınıb. Beynəlxalq sərnişinlərin ümumi sayının 31 faizi AZAL-ın, 13 faizi  isə “Buta Airways”in payına düşür.  

ABŞ-ın rəhbərlik etdiyi beynəlxalq koalisiya Suriyanın Əl-Xasake vilayətinin cənub-şərqindəki Tall əş-Şayir şəhərinə zərbələr endirib. 

Xudaferin.eu “Sana” agentliyinə istinadla xəbər verir ki, hadisə nəticəsində yeddi nəfər həlak olub, bir neçə nəfər yaralanıb. 

Bu, Əl-Xasake vilayətində son aylar dinc sakinlərin həlak olması ilə nəticələnən ilk hadisə deyil. 

ABŞ prezidenti Donald Tramp uyğun vaxtda Pxenyana səfər etməyə söz verib, Şimali Koreya lideri Kim Çen In isə Sinqapurda ABŞ-Şimali Koreya sammitinin sonunda Ağ Evin rəhbərinin dəvətini qəbul edib. 

Xudaferin.eu xəbər verir ki, Pxenyana nə vaxt səfər edəcəyi ilə bağlı suala Tramp “uyğun vaxtda” cavabını verib. 

“Biz Kimin nümayəndələrini uyğun vaxtda Ağ Evə dəvət edirik. Və o, dəvəti qəbul etdi”, - Tramp deyib.  

Xudaferin.eu

Aprelin 1-nə olan vəziyyətə görə, Azərbaycan beynəlxalq maliyyə qurumları və digər kredit təşkilatları ilə 14,2 milyard ABŞ dolları məbləğində kredit sazişləri imzalayıb.

Maliyyə Nazirliyindən Oxu.Az-a verilən xəbərə görə, bu sazişlər əsasında istifadə olunmuş kreditlər üzrə xarici dövlət borcunun ümumi məbləği 9,6 milyard dollar təşkil edib.

Bu, ölkənin ümumi daxili məhsulunun (ÜDM) 22%-i qədər olmaqla, adambaşına 972,4 dollar xarici dövlət borcu deməkdir. 

Martın sonuna xaricdən alınmış kreditlərin valyuta tərkibi aşağıdakı kimi olub:

Millət vəkilindən təhsil nazirinin iki müavininə sərt etiraz gəlib.

Xudaferin.eu-nun xəbərinə görə, millət vəkili Elşən Musayev parlamentdəki çıxışı zamanı orta məktəblərdəki problemlərdən, Təhsil Nazirliyinin bu problemlərə laqeydliyindən şikayətlənib:

“Orta məktəblərimizdə problemlər qalır. Şəxsən mən hər gün övladımla məktəbə getməli oluram. Çünki çantası çox ağırdır, daşıya bilmir. Eyni zamanda, məktəblərdə “Fondpulu” deyilən məsələ hələ də qalmaqdadır. Desələr də ki, belə bir şey yoxdur, yalan deyirlər.