Bu gün 20 Yanvar faciəsinin 28-ci ildönümü Bakı metropolitenində də anılıb.
"Bakı Metropoliteni" Qapalı Səhmdar Cəmiyyətinin (QSC) Mətbuat xidmətinin rəhbəri Nəsimi Paşayevin Trend-ə verdiyi məlumata görə, metronun bütün stansiyalarında matəm musiqiləri səsləndirilib.
28 il öncə 20 Yanvar faciəsi. Bu faciə yanvarın 18-də baş tutmalı idi. Moskvada hazırlanan ssenari belə idi. Qorbaçov ehtiyatda olan əsgər və zabitlərdən ibarət ordunu Azərbaycana şimaldan daxil etmək əmrini vermişdi. Lakin onlar bunun qarşısını ala bildi...
İki gün sonra Azərbaycan tarixinə qara təqvim olaraq düşən 20 Yanvar baş verdi, əliyalın insanlar qətlə yetirildi. Bakı küçələrini o vaxta qədər susəpən maşınlar yuyurdu. Həmin gün isə tanklar qanla suladı...
1990-cı il 20 yanvar hadisələrini Rusiya mətbuatında - "İzvestiya" və "Krasnaya zvezda" kimi qəzetlərdə, "Oqonyok" jurnalında işıqlandıran, donanma admiralı Vladimir Çernavinlə qalmaqallı müsahibəyə imza atan, bütün SSRİ-də səs-küyə səbəb olan məqalələrlə çıxış edən azərbaycanlı jurnalist Vasif Səmədovun Publika.az-a müsahibəsi.
- O vaxt informasiya blokadasının başladığı ərəfədə siz rus mətbuatında bu hadisələrə işıqlandırmağa nail oldunuz, səs-küylü "Müdaxilə" silsiləsini yaza bildiniz. Buna necə nail oldunuz?