Saad əl-Xadit: “İraq hakimiyyəti qondarma Kürdüstanın müstəqilliyinin əldə edilməsinə yönəlik istənilən birtərəfli addımlara qarşı çıxış edəcək”.

“Röyters” agentliyi xəbər verir ki, bu yöndə İraq hökumətinin təmsilçisi Saad əl-Xadit deyib. O bildirib ki: “Heç bir tərəf digər tərəflərdən asılı olmadan İraqın taleyi barədə müstəqil qərar verə bilməz. İraq Ana Yasasında da qeyd olunduğu kimi, demokratik federativ dövlətdir. İraqda istənilən tərəfin atdığı istənilən addımlar Ana Yasa qanunları təməli əsasında addımlar atılmalıdır”. Bu qərara qarşı Türkiyə Xarici İşlər Nazirliyindən də sərt reaksiya verilib. Verilən bəyanatda referendum qərarı “dəhşətli bir səhv” kimi qiymətləndirilib.

İraq Kürdüstan muxtariyyatının referendum qərarıyla bağlı açıqlama verən Türkiyə xarici işlər nazirliyi, bunu: “Dəhşətli bir səhv olaraq görürük” deyərək reaksiya verib”. Xarici işlər nazirliyindən verilən açıqlamada qondarma “Kürdüstan muxtariyyatının bu ilin sentyabr ayında edilməsi və öncənədən planlanan müstəqillik referendumu “dəhşətli bir yalnışlıq” olaraq qiymətləndirilib. Xarici işlərin nazirliyinin açıqlamasında bunlar deyilib: “Bunun dəhşətli bir səhv olduğunu düşünürük. İraqın torpaq bütövlüyünün və siyasi birliyinin qorunması Türkiyənin İraq siyasətinin təməl qanunlarından biridir”.

Almaniyanın Xarici İşlər naziri Ziqmar Qabriyel İraqda qondarma “Kürdüstan” məsələsi ilə bağlı keçiriləcək referenduma öz münasibətini bildirib. Z.Qabriyel İraqın ərazi bütövlüyünü təhlükəli həddə çatdırmağıın və yeni sərhədlər yaradılmasının doğru yol olmadığını söyləyib.

Qeyd edək ki, İraq Türkmən Cəbhəsinin millət vəkili Aydın Maruf Məsud Bərzaninin liderliyində referendumu 25 sentyabrda, İraq Kürd Regional millət vəkili seçkilərinin isə 6 noyabrda keçirilməsinə qərar verdiyini bildirib. Həmçinin bildirməliyik ki İraq dövləti də bu referandumu qınayıb və bildiriblib ki, belə bir hal baş verərsə İraq ordusu qondarma “Kürdüstan” rejiminə qarşı çıxacaq. Belə bir məqamda lazım gələrsə bu prosesin qarşısının alınması üçün Türkiyə ordusundan da yardım istəyəcək. Almaniyadan başqa, Rusya prezidentı Vladimir Putin də rəsmi açıqlamasında qondarma “Kürdüstan”ın etnik separatizm səviyyəsində elan ediləcək istiqlal aktına qarşı olduğunu bəyan edib, Türkiyə tərəfi də bildirib ki, bu halda qondarma Kürdüstanı ağır şərtlərlə cəzalandıracağıq.  

Onu da bildirək ki, Quzey İraq kürd muxtariyyəti ayrıca dövlət statusunun əldə edilməsi üçün bu il sentyabr ayının 25-də dövlət bağımsızlığı adına referendum  keçirilməsi yönündə qərar verib.

Xudaferin.eu
“Orta Doğu Bürosu”