Portuqaliyanın Pedroqao Qrande əyalətini dəhşətli yanğınlar bürüyüb.

İlkin açıqlamalara görə yanğınlar nəticəsində 25 nəfər ölüb, 16 nəfər yaralanıb. Rəsmilər ölənlərin əksəriyyətinin avtomobillərinin içindəcə yandığını bildiriblər.

Yüzlərlə yanğınsöndürən dünəndən bəri yanğını söndürmək üçün səfərbər edilib. Alovların sürətlə yayılması yanğının söndürülməsini çətinləşdirir. Portuqaliya Baş naziri Antonio Kosta verdiyi açıqlamasında bunu böyük faciə adlandırıb və ölənlərin sayının arta biləcəyini deyib.

Daha sonra daxil olan xəbərlərə görə Portuqaliyada meşə yanğınları nəticəsində ölənlərin sayı 43 nəfərə çatıb. Portuqaliyada meşə yanğınları nəticəsində ölənlərin sayı 57 nəfərə çatıb, 59 nəfər isə yaralanıb. Ən sonda redaksiyamıza daxil olan bilgilərə görə isə Portuqaliyanın Pedroqao Qrande əyalətindəki meşə yanğınları nəticəsində ölənlərin sayı 62 nəfərə çatıb.

Xudaferin.eu
“Avropa Bürosu”