BƏY MÜRACİƏT FORMASI MƏCBURİDİR

Biz müstəqillik qazansaq da, getdikcə milli dəyərlərimizin ayaqlar altına atıldığının şahidi oluruq...

Hələdə dövlət dilinə hörmətsizliklə yanaşı, ana dilinizdə müracət formasınada keçə bilməmişik.

 Kişilərə bir qayda olaraq ərəbcə - "məllim", "nüəllim", "malllım", "cənab", "dzənab" və ya "cənablar" deyə müraciət edilir. 

Keçmişdə nəsli-kökü ruslara qul olanlar və onlardan törəyənlər "Bəy" müraciət formasını heç cürə həzm edə bilmirlər...

Azərbaycan dövlət tv məkanında ziyalı, elm və mədəniyyət xadimlərini görmək müşkülə dönüb.

 Onların əvəzinə isə bir dəstə əxlaqsız zümrə formalaşıb səhərdən axşama qədər gənc nəsilə yaltaqlıq, riyakarlıq və əxlaqsızlıq dərsi keçirlər. Buna dur deyən bir dövlət yetkilisi tapılmırkı tapılmır.

Ölkədə İran mollalarına aftafa  daşımağa hazır olan “hacıların”, “məşədilərin”, “kəbleylərin” sayı artdıqca, əsil inanclı insanlıq, humanistlik də tədricən Azərbaycanda yox olmaqdadır...

Dəfələrlə qeyd edirik ki, qədim türklər qadına xatun, banu, bəyim, xanım və emegen deyə müraciət edirdilərsə, onların arxasında duran əsil kişilərə isə “Xaqan”, “Xan”, “Bəy”, “Ərən” deyə, müraciət etmişdilər. 

Ancaq bu günü hakimiyyət kişilərə rəsmi müraciət forması ərəbcədir - cənablar. “Xanımlar və cənablar”. 

Yəni “xatun”, “banu”, “bəyim”, “xanım” qadınların arxasında türkün “Xaqanın”, “Xanın”, “Bəyin ”, “Ərənın”  deyil, sanki ərəbin cənabların  görmək istəyirlər...

Halbuki türkün müraciət forması- tutalım "Bəy" dediyin adam özündə məsuliyyət hiss edib əsla gədəlik eləməz. Ancaq yad dillərdə müracət forması millətə kölə olduğun aşılayar..

Bu gun qadınlara türkcə "Xanım", "Bəyim" müraciət formasından sonra, kişilərə cənab deyə müraciət etmək, sankı öz millətinin qadınların ərəb kişilərinə satmağa hazır olan alfonsluqdur.

Sankı Azərbaycan Dilçilik İnstitutunda alimlərin dilin kəsib soxublar... Bunların 30 ildir heç yerlərindən səs çıxmır...

Əgər  bu gün biz  “Cənab” deyə, müraciət ediriksə onda “xanım” sözünü də işlətməyə lüzum yoxdur. Elə qadınlara da ərəbcə müraciət etmək olar - “cənabələr”... 

“Cənablar və Cənabələr!!...”

Hər halda biz müraciət formasına çox ciddi yanaşmalıyıq. Hər bir millətin müraciət forması onun şərəf etalonudur.

Millətin mənəviyyatın yaşadan Qadındır. Qadın danışdığımız Dildir, Anadır, Qadın Millətdir, Qadın Vətəndir. Bizlər bir çox xalqlar kimi "ata vətən" deyil, vətənimizə "Ana Vətən" deyirik.

Uzun illər qürbət həyatimda bir şeyin şahidi oldum ki, qadınlarımız başqa millətin kişilərinə ərə gedir, ancaq onlar assimilyasiya olmurlar. Əksinə, yenə evdə türk övladı böyüdürlər. 

Kişilərimiz isə başqa millətin qadınları ilə evlənəndə elə bilki gedib quyuya düşürlər -dönüb olurlar arvadının millətindən...

Unutmayın ki, biz müsəlman olsaq da, qədim gələnəyə və qan yaddaşına söykənən, əcdad kultuna bağlı millətik. Bizdə Ana faktoru müqəddəsdir. 

Bizlər əgər vətənimizə Ana deyiriksə, o zaman Analara Vətən kimi baxmağı da öyrənməliyik və unutmakı Vətəni bəylər, xanlar, ərənlər qoruyar, cənablar yox!

Vətəndaşlarımızı xatun, banu, bəyim, xanım, xan, xaqan, bəy, ərən kimi tərbiyyə edib böyütmək hər bir Azərbaycan övladının müqəddəs və şərəf borcudur...

Elman Mustafazadə
Xudaferin.eu