“Fitch” beynəlxalq reytinq agentliyi 2017-ci ilə MDB və Gürcüstanın bank sektorlarına proqnoz verib. “Fitch” Qazaxıstan, Azərbaycan və Belarusun bank sektorları üzrə proqnozunu "neqativ" olaraq qiymətləndirib. Agentlik bildirir ki, Azərbaycan banklarının kapitalına və likvidliyinə təzyiq mövcuddur. Buna səbəb aktivlərin keyfiyyətinin pisləşməsidir.

“Ciddi kapital defisiti və zərərləri nəzərə alaraq Azərbaycan banklarının maliyyə çətinliyi ilə üzləşəcəyini proqnozlaşdırırıq. Yaranmış vəziyyətdə sektorda "təmizləmə"nin davam edəcəyini düşünürük” - proqnozda belə deyilir.
Azərbaycanda bank sektorunun axırı necə olacaq? Beynəlxalq Bankın əvvəlki rəhbərliyini tənqid edirdilər ki, düzgün işləməyiblər, bəs ondan sonrakı rəhbərlik niyə işdən çıxarıldı? Bu, o demək deyilmi ki, problem daha dərindədir? Bank məsələləri üzrə ekspert Əkrəm Həsənovun fikrincə, problemlər çoxdur: kadrlar, şəxsi münasibətlər, korrupsiya, qanunvercilik, qanunların icrası... "Bankları soyanlar elə onların öz sahibləri, idarə edənlərdir". "Mərkəzi Bankı yoxlasalar, ordan eləşeylər çıxacaq ki..."

Azadliq.org