Özbəkistanın paytaxtı Daşkənddə keçirilən Beynəlxalq dekorativ-tətbiqi sənət festivalında Azərbaycanın əməkdar rəssamı İnna Kostina da iştirak edib. Rəssamın sərgidə nümayiş etdirilən 9 əsəri münsiflər heyəti və tamaşaçıların diqqətini cəlb edib.
 

İncəsənət bayramına Azərbaycanla yanaşı, Almaniya, Britaniya, İran, İtaliya, Çin, Koreya Respublikası, Rusiya və digər ölkələrdən rəssamlar, sənətşünaslar, dekorativ-tətbiqi sənət ustaları qatılıb. Özbəkistan Rəssamlıq Akademiyasının sədri Akmal Nuriddinov festival iştirakçılarını təbrik edərək deyib ki, milli mənəvi dəyərlərin, adət-ənənələrin qorunub saxlanılmasında sənətkarların rolu əvəzsizdir.

Xudaferin.eu

Özbəkistan, "Daşkənd Bürosu"