İLHAM ƏLİYEVİN YÜRÜTDÜYÜ MÜSTƏÜİL SİYASƏT RƏQİBLƏRİ QICIQLANDIRIR.....

28 may 2025-ci il tarixində Laçında Azərbaycan, Türkiyə və Pakistan liderlərinin iştirakı ilə baş tutan Zirvə toplantısı Rusiya, ABŞ, Qərb, İran və Hindistan kimi böyük güclərin diqqətini Bakıya yönəltdi.
Laçın görüşündən sonra Hindistan , İran və Rusiya tərəfindən Azərbaycanın xarici siyasi xəttinə yönəlik təzyiqlər müşahidə olunur. Bunlarla yanaşı , Qərbin də Bakıya mövqeyində narahatlıq nəzərə çarpır. Dünyanın ən böyük güclərindən biri olan ABŞ isə Cənubi Qafqazda gedən proseslərii diqqətlə izləyir.
Müşahidələr göstərir ki , Laçın görüşü regional və qlobal gücləri Cənibi Qafqazda yeni geopolitik mexanizmləri işə salmağa vadar edir.
Azərbaycan, Türkiyə və Pakistan Liderlərinin Laçın görüşündən sonra Hindistan və Rusiya dərhal hərəkətə keçdi.
Pakistanın Baş Naziri Şahbaz Şərifin Azərbaycan və Türkiyə Liderləri ilə bir araya gəlməsi Cənubi Qafqazdan uzaqda yerləşən Hindistan rəsmilərini qıcıqlandırıb. Rəsmi Dehli "Şindor Əməliyyatı"dan sonra Çinin ardınca Türkiyənin və Azərbaycanın Pakistanı dəstəkləməsini həzm edə bilmir.
Dehli ilə yanaşı Moskva da Azərbaycan,Türkiyə və Pakistan Liderlərimin Laçın Zirvə görüşünə biganə qala bilməyib.
Rusiya müdafiə naziri Andrey Belousov deyib ki : “Ermənistanın Sünik bölgəsi (Qərbi Zəngəzur) ətrafında gərginlik davam edir."
Regiondan kənar ölkələrin bu cür davranışı göstərir ki ;
İlham Əliyevin yürütdüyü müstəqil siyasət onları qıcıqlandırır.
Avropa İttifaqının müşahidə missiyasının fəaliyyət göstərdiyi və faktiki olaraq, Rusiya sərhədçilərinin yerini tutduğu Zəngəzurda Fransa konsulluq açmağa hazırlaşır.
Bölgədə ilk konsulluğu İranın açmasından sonra , ikinci konsulluğu Fransanın açması ; İrəvanın regiondan kənar müttəfiqinin Paris olduğunu təstiqləyir.
Rusiya Müdafiə Naziri - Andrey Belousovun sözləri əslində Moskvanın Ermənistanda mövqelərini bərpa etmək istiqamətində aktivləşən Rusiyanın Ermənistana "hərbi dildə" xəbərdarlığıdır.
Bu xəbərdarlıq göstərir ki , Rusiya da
Zəngəzurda konsulluğunun açılmasına nail olmaqda israrlıdır.
Bundan əlavə
Belousov bildirib ki : “Rusiya Ermənistan-Azərbaycan münasibətlərinin qeyri-sabit vəziyyətindən narahatdırlar, Sünik rayonu ətrafında gərginlik qalmaqdadır. Moskva İrəvanla Bakı arasında sülh müqaviləsinin imzalanmasında maraqlıdır və hər cür kömək etməyə hazırdır”.
Bütün bunlar göstərir ki :
Hindistan , İran , Rusiya və Qərb dövlətləri Ermənistan üzərindən, Zəngəzur dəhlizi məsələsinə müdaxilə etməyə hazırlaşırlar.
Baş verən hadisələr fonunda Azərbaycan Müdafiə naziri general-polkovnik Zakir Həsənov mayın 28-də Laçın şəhərində səfərdə olan Pakistanın Silahlı Qüvvələrinin Quru Qoşunları komandanı feldmarşal Asim Munir ilə görüşüb. Z.Həsənov dost və qardaş ölkə Pakistanla əlaqələrin digər sahələrdə olduğu kimi hərbi sahədə də genişləndirilməsinin Azərbaycanın Prezidenti, Silahlı Qüvvələrin Ali Baş Komandanı İlham Əliyevin diqqət mərkəzində olduğunu bildirib.
Açıq -aydın görünür ki , İlham Əliyeyin yürütdüyü müstəqil siyasət rəqibləri qıcıqlandır. Azərbaycan isə TDT, Pakistan və Çinlə əməkdaşlığını inkişaf etdirir.

Qəvami Sadıqbəyli.
Xudaferin.eu