Türkiyədə kürd vətəndaşları təmsil edən və eyni zamanda ölkədə etnik bölücülük siyasətini yürüdən “Xalqların Demokratik Partiyası”nın (HDP) həmsədrləri Selahattin Demirtaş və Figen Yüksekdağ, eləcə də bu partiyadan daha 11 deputat noyabrın 4-də keçən gecə saxlanıblar. Gecə vaxtı polis əməkdaşları Diyarbəkirdəki evlərinə basqın edərək millət vəkillərini həbs edib.

Doğan Xəbər agentliyinin xəbərinə görə HDP-nin Ankara millət vəkili, Gezi Parki hadisələrində iştrak edən Sırrı Sürəyya Öndər də Ankarada həbs olundu. Anadolu agentliyi xəbər verir ki, HDP haqqında həbslər eyni zamanda Demokratik Toplum Kongresi (DTK) və KCK-nın 6-8 oktyabr hadisələri ilə bağlı aparılan istintaqa ifadə verməyə getməkdən imtina etdikləri üçün saxlanıblar. Həmin vaxt HDP Mərkəzi İcra orqanı və həmsədri Selahattin Demirtaşın "Küçələrə çıxın" çağrışı ilə terörçu PKK tərəfdarlnın 35 bölgədə keçirdikləri aksiyalarda baş verən qarşıdurma zamanı 2 polis əməkdaşı həlak olmuşdu. Diyarbəkirin özündə qarşıdurmalarda 31 nəfər həlak olmuş, 221 mülki, 139 polis əməkdaşı yaralanmışdı.

Xudaferin.eu