Azərbaycan Prezidentinin Özbəkistan səfəri iki ölkə münasibətlərinin dərinləşməsinə və şaxələnməsinə əhəmiyyətli töhfə verəcək
Müasir Azərbaycan müstəqil dövlət olaraq beynəlxalq arenaya qədəm qoyduğu gündən onun xarici siyasətinin prioritet istiqamətlərinin önəmli hissəsini türkdilli dövlətlərlə yüksək səviyyədə münasibətlərin qurulması və inkişaf etdirilməsi təşkil edib. Bu baxımdan, dost və qardaş Özbəkistanla Azərbaycan arasındakı əlaqələri yüksək dəyərləndirmək olar. İki ölkə arasında diplomatik münasibətlər 1995-ci ildə qurulub, 1996-cı ildə Azərbaycanın Özbəkistanda, 1998-ci ildə isə Özbəkistanın Bakıda diplomatik nümayəndəlikləri fəaliyyətə başlayıb.