Azərbaycanın Respublikasının Almaniya Federativ Respublikasındakı səfirliyi konsulluq xidmətlərini təkmilləşdirir.
Bu barədə AZƏRTAC-a səfirlikdən məlumat verilib.
Bildirilib ki, Almaniya qərb ölkələri arasında ən çox Azərbaycan vətəndaşının yaşadığı ölkələrdəndir. Vətəndaşlara göstərilən konsulluq xidmətlərinin səviyyəsinin yüksəldilməsi, vətəndaş məmnunluğunun artırılması, şəffaflığın təmin olunması səfirliyin diqqət mərkəzindədir. Bu sahədə cari ilin sentyabr ayından bəri aşağıdakı işlər görülüb.
Sayt vasitəsilə konsulluq şöbəsi ilə görüş vaxtının təyin edilməsi sistemi tətbiq olunub. Bununla da Azərbaycan vətəndaşları, eləcə də digər müraciətçilər səfirliyin internet səhifəsinə daxil olaraq, konsulluq şöbəsində rahat şəkildə görüş üçün vaxt təyin etmək imkanı əldə edirlər.
Konsulluq şöbəsinə müraciət edən şəxslərin rahatlığının təmin olunması məqsədilə şöbədə POS-terminal quraşdırılıb. Bununla da konsulluq əməliyyatları rüsumları ilə bağlı ödənişləri etmək üçün vətəndaşların və digər müraciətçilərin artıq hər hansı banka getmələrinə ehtiyac yoxdur. Bu ödənişlər yerində POS-terminal vasitəsilə həyata keçirilə bilər.
Vətəndaşların və digər müraciətçilərin telefon zənglərinin cavablandırılması işinin daha səmərəli təşkili üçün üçüncü xüsusi telefon xətti istifadəyə verilib. Bununla, eyni vaxtda üç konsulluq əməkdaşı daxil olan çoxsaylı telefon müraciətlərini cavablandırır.
Həmçinin quraşdırılmış növbə avadanlığı vasitəsilə konsulluq şöbəsinin qəbul otağına daxil olan şəxslərə girişdə nömrə əldə etməklə növbə tutmaq imkanı verilir.
Konsulluq şöbəsinin qəbul otağı əsaslı şəkildə təmir olunub və burada paytaxt Bakı şəhərinin, habelə 44 günlük Vətən müharibəsində Müzəffər Ali Baş Komandan Prezident İlham Əliyevin rəhbərliyi ilə şanlı Azərbaycan Ordusu tərəfindən işğaldan azad edilən mədəniyyət paytaxtımız Şuşanın əsrarəngiz gözəlliyini əks etdirən şəkillər asılıb.
Qeyd edək ki, Azərbaycanın Almaniyadakı səfirliyi konsulluq şöbəsinin işinin təkmilləşdirilməsi istiqamətindəki fəaliyyətini davam etdirir.
Almaniyadakı səfirliyimiz konsulluq xidmətlərini təkmilləşdirir
Azərbaycanın Respublikasının Almaniya Federativ Respublikasındakı səfirliyi konsulluq xidmətlərini təkmilləşdirir.
Bu barədə AZƏRTAC-a səfirlikdən məlumat verilib.
Bildirilib ki, Almaniya qərb ölkələri arasında ən çox Azərbaycan vətəndaşının yaşadığı ölkələrdəndir. Vətəndaşlara göstərilən konsulluq xidmətlərinin səviyyəsinin yüksəldilməsi, vətəndaş məmnunluğunun artırılması, şəffaflığın təmin olunması səfirliyin diqqət mərkəzindədir. Bu sahədə cari ilin sentyabr ayından bəri aşağıdakı işlər görülüb.
Sayt vasitəsilə konsulluq şöbəsi ilə görüş vaxtının təyin edilməsi sistemi tətbiq olunub. Bununla da Azərbaycan vətəndaşları, eləcə də digər müraciətçilər səfirliyin internet səhifəsinə daxil olaraq, konsulluq şöbəsində rahat şəkildə görüş üçün vaxt təyin etmək imkanı əldə edirlər.
Konsulluq şöbəsinə müraciət edən şəxslərin rahatlığının təmin olunması məqsədilə şöbədə POS-terminal quraşdırılıb. Bununla da konsulluq əməliyyatları rüsumları ilə bağlı ödənişləri etmək üçün vətəndaşların və digər müraciətçilərin artıq hər hansı banka getmələrinə ehtiyac yoxdur. Bu ödənişlər yerində POS-terminal vasitəsilə həyata keçirilə bilər.
Vətəndaşların və digər müraciətçilərin telefon zənglərinin cavablandırılması işinin daha səmərəli təşkili üçün üçüncü xüsusi telefon xətti istifadəyə verilib. Bununla, eyni vaxtda üç konsulluq əməkdaşı daxil olan çoxsaylı telefon müraciətlərini cavablandırır.
Həmçinin quraşdırılmış növbə avadanlığı vasitəsilə konsulluq şöbəsinin qəbul otağına daxil olan şəxslərə girişdə nömrə əldə etməklə növbə tutmaq imkanı verilir.
Konsulluq şöbəsinin qəbul otağı əsaslı şəkildə təmir olunub və burada paytaxt Bakı şəhərinin, habelə 44 günlük Vətən müharibəsində Müzəffər Ali Baş Komandan Prezident İlham Əliyevin rəhbərliyi ilə şanlı Azərbaycan Ordusu tərəfindən işğaldan azad edilən mədəniyyət paytaxtımız Şuşanın əsrarəngiz gözəlliyini əks etdirən şəkillər asılıb.
Qeyd edək ki, Azərbaycanın Almaniyadakı səfirliyi konsulluq şöbəsinin işinin təkmilləşdirilməsi istiqamətindəki fəaliyyətini davam etdirir.
Xudaferin.eu
22:42
Digər xəbərlər