Abşeron rayonunda dövlət gənclər siyasətinin həyata keçirilməsi, idmanın kütləviliyinin təmin edilməsi sahəsində ciddi iş aparılır. Bu gün rayonda 6273 nəfər yeniyetmə və gənc idmanın 28 növü ilə məşğul olur. 2018-ci ilin üç ayı ərzində rayonun gəncləri 4 beynəlxalq və 23 respublika səviyyəli idman yarışlarında iştirak edib.

Xudaferin.eu AZƏRTAC-a istinadən xəbər verir ki, bu faktlar Abşeron Rayon İcra Hakimiyyətinin cari ilin birinci rübünün sosial-iqtisadi inkişafının yekunları və qarşıda duran vəzifələrə həsr olunan iclasda səslənib.

Bildirilib ki, idman yarışlarında rayon gəncləri 59 medal, o cümlədən 14 qızıl medal qazanıblar. Cari ilin birinci rübündə idmançılar Türkiyə, İran, Belarusda keçirilən beynəlxalq yarışlarda iştirak edərək 19 müxtəlif əyarlı medal qazanıblar. Belə ki, uğurla çıxış edən abşeronlular 8 qızıl, 3 gümüş və 8 bürünc medalla Vətənə qayıdıblar.

Xudaferin.eu