Bu yöndə başda PKK olmaqla və qollarının siyahısı hazırlanıb

Terror təşkilatı PKK-nın Suriya qolu YPG və PYD kimi fərqli adlar altında eyni hədəfə xidmət edən 38 təşkilat təsbit edilib. PKK və digər terror təşkilatlarının siyahısı ortaya çıxıb. Qeyd edək ki, Türkiyənin baş naziri Binali Yıldırım bu ilin yanvar ayında şimali İraqdakı kürd bölgəsində Barzani ilə görüşündə "PKK bərabərdir PYD bərabərdir YPG. Adları dəyişikdir, amma hamısı eyni təşkilatdır. Bunları yemirik" deyə açıqlama vermişdi.  

Onun sözlərinə görə, Türkiyənin ətrafını terror təşkilatlarının suverenlik sahəsi olaraq zəbt etməsinə əsla icazə verilməyəcək. “Terror təşkilatının adı nə olursa olsun heç fərq etməz. İstər dayı olsun, istər qardaş oğlu olsun, istər əmi oğlu, istərsə də, qardaş olsun. Bunların kökünü bu ölkəyə təhdid olmayacaq şəkildə kəsəcəyik. Terror təşkilatları arasında ayrı-seçkilik edənlər bunu yaxşı bilməlidir. Bizim üçün PKK bərabər YPG, bərabər PYD, bərabərdir İŞİD və bərabərdir FETÖ deməkdir. Hamısı eyni dərəcədə terror bataqlığına batmış qatillər sürüsüdür. Türkiyənin milli təhlükəsizliyi və maraqları üçün bunların hamısıyla amansız mübarizəmiz davam edəcək” deyə bildirib.

Artıq baş nazirin "hamısı eyni və qatil sürüsü" dediyi o təşkilatların siyahısı hazırlanıb. Ümumilikdə, 38 terror təşkilatının siyahısı üzə çıxıb. Baş nazirin sözlərinə görə PKK, YPG və PYD adı altında toplanan təşkilatların ortaq hədəfi isə Türkiyəni bölməkdir.

Qeyd edək ki, PKK və onun qollarının strateji hədəfləri Türkiyə, Quzey İraq Türkman Eli, Suriya Türkman Eli və Güney Azərbaycanı hədəfə alıbdır. Beləliklə də Türklərə məxsus torpaqlarda xəyali “Böyük Kürdüstan” məsələsini böyük güclərin siyasi və hərbi dəstəyi sayəsində gerçəkləşdirmək üçün hazırlıqlara başlayıblar.

Xudaferin.eu
Türkiyə, “Ankara Bürosu”