Soydaşımız Fərhad Səmədov Başkortstan Respublikası Prezidentinin Fərmanı ilə Baş nazirin müavini təyin olunub. Soydaşımız Başkortstan Respublikasında sənaye, innovasiya prosesləri, informasiya texnologiyaları sahəsinə nəzarət edəcək.

Qeyd edək ki, Fərhad Səmədov 1959-cu ildə Gürcüstanın Qardabani şəhərində anadan olub. Moskvada Mühəndis-İnşaat İnstitutunu bitirib. Texnika elmləri namizədidir. Əmək fəaliyyətinə 1982-ci ildə Azərbaycan Respublikasında başlayıb, mühəndis və böyük mühəndis vəzifələrində çalışıb. 1994-1998-ci illərdə “Eksimer” elm-istehsalat müəssisəsinin baş direktorunun müavini olub. 2000-ci illərin əvvəllərindən başlayaraq 2009-cu ilə qədər Başkortstanın iri müəssisələri olan “Kaustik” QSC-yə, “Soda” ASC-yə rəhbərlik edib. Fəxri kimyaçısı olan Fərhad Səmədov Baş nazirin müavini təyin edilənə kimi “Birləşmiş neftkimya şirkəti”nin prezidenti olub.

P.S. “Avropa - Azərbaycanın Dostları Cəmiyyəti”nin rəhbərliyi və “XUDAFƏRİN dərgisinin “XUDAFERİN.EU” saytının kollektivi adından soydaşımız Fərhad Səmədovu təbrik edirik. İnanırıq ki, qürbət ellərdə yaşayan və sayğın-başarılı bütün soydaşlarımız da bunca uğurlar qazanacaqlar. 

Xudaferin.eu