Silahlı Qüvvələrin hərbi qulluqçularının bir qrupu “Suqovuşanın azad olunmasına görə” medalı ilə təltif ediliblər

Dekabrın 29-da Prezident İlham Əliyev Azərbaycan Respublikası Silahlı Qüvvələrinin hərbi qulluqçularının “Suqovuşanın azad olunmasına görə” medalı ilə təltif edilməsi haqqında Sərəncam imzalayıb.

Xudaferin.eu AZƏRTAC -a istinadən xəbər verir ki, Sərəncama əsasən, Azərbaycan Respublikasının Suqovuşan kəndinin işğaldan azad olunması uğrunda aparılmış döyüş əməliyyatlarında iştirak edərək igidlik və mərdlik nümunəsi göstərmiş 3572 hərbi qulluqçu “Suqovuşanın azad olunmasına görə” medalı ilə təltif edilib.

Bu medala layiq görülən hərbi qulluqçuların 2-si general-mayor, 16-sı polkovnik, 69-u isə polkovnik-leytenantdır.

Xudaferin.eu

12:48