ABŞ-ın başında durduğu koalisiya qüvvələrinin mətbuat katibi polkovnik Con Dorrian PKK ilə İŞİD-in ortadan qaldırılmasının lazım olduğunu bildirib.  O deyib: “PKK ilə İŞİD arasında fərq yoxdur”. Dorriana belə bir sual verilib: “ABŞ üçün Səncardakı PKK ilə Mosuldakı İŞİD varlığı arasında bir fərq varmı?” Polkovnik bu sualın cavabında deyib: “Səncardakı PKK və Mosuldakı İŞİD arasında fərq yoxdur, çüni PKK-nı da bir terror təşkilatı olaraq qəbul edirik. Mosuldakı İŞİD də bir terror təşkilatıdır, hər iki qrupun da ortadan qaldırılması lazımdır. Bunun üçün müttəfiq və tərəfdaşlarımızla ortaq hərəkət eləməliyik. Bu, çox mühümdür”.

“PKK-nın Səncardan çıxması üçün təşkilatla danışıq aparmısınızmı” sualının cavabında isə o, belə deyib: “PKK ilə heç bir formada görüşüb, danışmamışıq. Biz İraq mərkəzi hökuməti və kürd hökuməti ilə əlaqə saxlayırıq. Terror təşkilatları ilə əlaqə yaratmağımızdan söhbət gedə bilməz”.

Hurriyyet.org