Ağdam rayon Evoğlu kənd sakini Cəfərov Elmir Ələddin oğlu tərəfindən redaksiyasımıza şikayət məktubu daxil olub.
 

Çox kasıb halda yaşadıqlarını deyən müəllif yazır: “Ailə vəziyyətimiz çox acınacaqlıdır. Evimiz 1 otaqdan ibarətdir və az qalır ki, güclü külək olanda ev başımıza uça. Evin dam örtüyü yararsız vəziyyətdədir, döşəməsi torpaqdandır. Nə mən, nə də həyat yoldaşım heç bir yerdə işləmirik. 1 ildir ki, Ağdam Məşğulluq Xidməti vasitəsi ilə "özünə məşğulluq" proqramına qoşulmuşam. Bir çox məşğələlərdə iştirak etmişəm və imtahanlar vermişəm. Dövlət tərəfindən "özünə məşğulluq" proqramı ilə bizim ailəmizə 4000 manat vəsait ayrılıb ki, bizim ailəmizə sərf edilsin. Ancaq Ağdam Məşğulluq xidmətinin rəisi Elşən Rüstəmov və onun Möhübbət adlı müavini həmin vəsaiti bizə verməyi yubadaraq, bir ilə yaxındır başımıza Allahın müsübətini açırlar. Sizə göndərmiş olduğum video lentə baxanda görəcəksiz ki, biz hansı vəziyyətdə yaşayırıq. Bizim yaşadığımız evlə (ona ev demək olarsa) erməni postunun ara məsafəsi 600 metirdən də azdır”.

Şikayətçi səlahiyyətlə şəxlərə müraciət edərək yazır: “Çox xahiş edirəm aidiyyatı qurumlara göstəriş verin, bu məsələni ətraflı araşdırsınlar və bizim kasıb, acından ölən ailə üzvlərimizə yardımçı olsunlar və haqqımızın bərpa olunmasına köməklik göstərsinlər”.

Muxalifet.az