“İslam dövləti” (İŞİD) terror qruplaşmasının təhlükəsizlik rəisi Mosulun aeroportunda aviazərbələr nəticəsində məhv edilib. 

Xudaferin.eu TASS-a istinadən xəbər verir ki, bu barədə “As-Sumariya” telekanalı məlumat yayıb.

Abu Abdalla adlı yaraqlı aeroportun girişində iki köməkçisi ilə birgə məhv edilib. Telekanalın məlumatına görə, terrorçulara PUO hücum edib. 

“As-Sumariya”nın məlumatına görə, aviasiya və artilleriya ötən gün səhərdən aeroportda radikalların müdafiə xəttinə intensiv zərbələr endirib. Yaraqlıların böyük itkilər verdiyi bildirilib.  

Xudaferin.eu