Gənc Tamaşaçılar Teatrının iki aktyoru beynəlxalq festivalın münsiflər heyətində təmsil olunur

Azərbaycan Dövlət Gənc Tamaşaçılar Teatrının baş rejissoru, Azərbaycan və Kalmıkiya respublikalarının Əməkdar İncəsənət Xadimi Bəhram Osmanov və teatrın aktyoru, Azərbaycan və Kalmıkiyanın Əməkdar Artisti Şövqi Hüseynov aprelin 25-dən mayın 1-dək İran İslam Respublikasının Təbriz şəhərində keçiriləcək V Beynəlxalq Küçə Teatrları Festivalında münsiflər heyətində iştirak edəcəklər.

Xudaferin.eu AZƏRTAC-a istinadən bildirir ki, aktyorlar Təbriz Bələdiyyəsinin Mədəniyyət və İncəsənət Təşkilatı tərəfindən dəvət alıb. Festival çərçivəsində Azərbaycan teatr sənətçiləri müxtəlif treninqlərdə, ustad dərslərində və seminarlarda çıxış edəcək, Azərbaycan teatrının 145 və Gənc Tamaşaçılar Teatrının 90 illik fəaliyyəti barədə xarici ölkələrin teatr mütəxəssislərinə və təbrizli həmkarlarına məlumat verəcəklər.

Xudaferin.eu

17:55