Kuala Lumpurun mərkəzində Azərbaycan bayrağını əks etdirən videoçarx nümayiş olunub
Bu il 28 May - Respublika Günü Malayziyanın paytaxtı Kuala Lumpurda yaddaqalan tədbirlər və bayram əhval-ruhiyyəsi ilə qeyd olunub.
Xudaferin.eu AZƏRTAC-a istinadən xəbər verir ki, məşhur “Petronas” şirkətinin əkiz qüllələrinin yerləşdiyi şəhər meydanındakı nəhəng bilbordda dalğalanan Azərbaycan bayrağı fonunda bu əlamətdar gün ilə bağlı təbrik mesajı nümayiş etdirilən videoçarx təqdim olunub. Üç gün davam edən nümayiş şəhər sakinlərinin və qonaqların geniş marağına səbəb olub.