13 February 2021

Deputat: Azərbaycan artıq Avropa, eləcə də dünyanın enerji və nəqliyyat mərkəzinə çevrilməyi bacarıb

Cənub Qaz Dəhlizi Məşvərət Şurası çərçivəsində nazirlərin VII iclasının pandemiya səbəbindən videokonfrans formatında təşkil edilməsinə baxmayaraq, tədbir çox geniş tərkibdə baş tutdu. İclasda 18 ölkə, 19 şirkət və 5 aparıcı beynəlxalq maliyyə təsisatı təmsil olundu. Məlumdur ki, Cənub Qaz Dəhlizi Məşvərət Şurasının iclaslarına Bakı şəhəri ev sahibliyi edir. Bu da təsadüfi deyil. Çünki dünyanın ən mühüm meqalayihələrindən biri olan Cənub Qaz Dəhlizi layihəsinin təşəbbüskarı Azərbaycan, daha dəqiq desək, Prezident İlham Əliyevdir.

ABŞ-ın Minnesota ştatının qubernatoru fevralın 26-nı Azərbaycan günü elan edib

Minnesota ştatının qubernatoru Tim Volz fevralın 26-nın Azərbaycan günü elan edilməsi ilə bağlı bəyanat imzalayıb. Belə bir bəyanatın imzalanması Minnesota Azərbaycan Assosiasiyasının rəhbəri Günel Rallisin təşəbbüsü olub.
Diasporla İş üzrə Dövlət Komitəsindən Xudaferin.eu AZƏRTAC-a istinadən verilən məlumata görə, bəyanatda Minnesotada yaşayan azərbaycanlıların ana dilini, zəngin milli-mədəni dəyərlərini, ənənələrini qoruyub-saxlamaqla, həmçinin təbliğ etməklə yerli mədəniyyətə töhfə verməkdə olduqları qeyd edilir.