Türkiyədə özəl studiyası olan azərbaycanlı xanım
Deyir ki,- “Qazandığım uğurlara görə göydə Allaha, yerdə valideynlərimə, bir də həyat yoldaşıma borcluyam”...
Atası Oqtay Kərimov psixologiya elmləri namizədidir. Bakı Dövlət Universitetində kafedra müdiri işləyib. Hazırda təqaüddədir. Anası Tahirə xanım isə uzun illər indiki Bakı Musiqi Akademiyasında çalışıb, sənətşünaslıq elmləri namizədidir. Ömür-gün yoldaşı Ertan Sarı ixtisasca kimyaçıdır. Ankarada Enerji Bakanlığında işləyir. İki övladı vardır. Oğlu Alim 15, qızı Ülviyyə Könül isə 11 yaşındadırlar...