“RİA Novosti” agentliyi 8 Mart gününü Azərbaycanda keçirməyi təklif edir
Rusiyanın “RİA Novosti” xəbər agentliyi oxucularına 8 Mart - Beynəlxalq Qadınlar Günü münasibətilə istirahət günlərini Azərbaycanda keçirməyi təklif edir.
02 March 2019
Rusiya ABŞ-ın kosmosun militaristləşdirilməsi planına adekvat cavab verəcəyini bildirib
Rusiya ABŞ-ın kosmosun militaristləşdirilməsi planına adekvat cavab verəcəyini bildirib.
Xudaferin.eu RT telekanalına istinadla xəbər verir ki, Rusiya Silahlı Qüvvələri Baş qərargahının rəisi Valeri Gerasimov bəyan edib ki, Moskva Vaşinqtonun kosmosun militaristləşdirilməsi addımına cavab verməyə məcbur olacaq. O deyib: “Son zamanlar Pentaqon dəfələrlə kosmosun hərbi məqsədlər üçün istifadə edilməsi niyyətini bəyan edib. Bunun üçün yeni qoşun növü – kosmik qoşun formalaşdırılır və bu da kosmik fəzanın militaristləşdirilməsi ilə nəticələnəcək”.
Cavad xan haqqında kitab nəşrə hazırlanır
Azərbaycanın böyük sərkərdəsi, dövlət xadimi, Gəncə xanlığının sonuncu hökmdarı Cavad xan təkcə Gəncənin deyil, ölkəmizin qəhrəmanlıq tarixində çox şərəfli yer tutur. Onun qəhrəmanlığı haqqında bir sıra ədəbi əsərlər yazılıb, film çəkilib, elmi-tədqiqat işləri aparılıb.
Ermənilər Serj Sarkisyanın istefası günündə istirahət edəcəklər
Ermənistanın sabiq prezidenti Serj Sarkisyanın istefası günü bu ölkədə rəsmi bayram kimi qeyd olunacaq. Bununla bağlı hökumət “Ermənistan Respublikasında bayramlar və əlamətdar günlər haqqında” Qanuna dəyişikliklər təklif edib.
Fransa və Almaniya BMT Təhlükəsizlik Şurasında birgə sədrliyə başlayır
Fransa və Almaniya mart-aprel aylarında BMT tarixində ilk dəfə olaraq Təhlükəsizlik Şurasında iki ölkənin birgə sədrliyinə başlayacaq.
Xudaferin.eu TASS informasiya agentliyinə istinadla xəbər verir ki, iki ölkənin daimi nümayəndələri Fransua Delatr və Kristof Hoysqgen tərəfindən martın 1-də təqdim olunan hazırkı gündəliyə əsasən, Yaxın Şərq problemləri, Koreya yarımadasının nüvəsizləşdirilməsi, həmçinin Afrika ölkələrində vəziyyət Təhlükəsizlik Şurasında əsas debat mövzuları olacaq.
Rusiya azərbaycanlılarının ilk internet-telekanalı – AZRU yayıma başlayır
Rusiya azərbaycanlılarının ilk internet-telekanalı – AZRU vahid informasiya portalı yayıma başlayır. Bunu AZƏRTAC-a portalın baş redaktoru, jurnalist, ictimai xadim və politoloq Roman Ağayev bildirib.
Hindistanla sərhəddə atışmalarda Pakistan ordusunun iki əsgəri həlak olub
Martın 2-də Hindistanla sərhəddə atışma nəticəsində Pakistan ordusunun iki əsgəri həlak olub.
Xudaferin.eu “Dawn” agentliyinə istinadla xəbər verir ki, bu məlumatı Pakistan Silahlı Qüvvələrinin İctimaiyyətlə Əlaqələr Xidməti (ISRP) yayıb.
Azərbaycanlı atlet qış Avropa çempionatının finalına yüksəlib
Azərbaycan idmançısı Nazim Babayev Şotlandiyanın paytaxtı Qlazqoda keçirilən atletika üzrə 35-ci qış Avropa çempionatında üçtəkanla tullanma üzrə təsnifat mərhələsində çıxış edib.
Azərbaycan Atletika Federasiyasından AZƏRTAC-a bildiriblər ki, yarışın birinci günündə N.Babayev ilk cəhddə 16,81 metr nəticə ilə finala yüksəlib.
Digər idmançımız Zəkiyyə Həsənova bu gün 60 metr məsafəyə qaçış yarışında gücünü sınayacaq.
Avropa Gimnastika İttifaqının nümayəndələri Bakıda görüş keçiriblər
Avropa Gimnastika İttifaqının (UEG) nümayəndələri Bakıda səfərdə olublar.
Xudaferin.eu xəbər verir ki, mayda paytaxtımızda təşkil olunacaq iki Avropa çempionatının təşkilati məsələlərinin müzakirəsi üçün ölkəmizə səfər edən nümayəndələr Azərbaycan Gimnastika Federasiyasının yerli Təşkilat Komitəsi ilə iki görüş keçiriblər.
Aerobika gimnastikası və bədii gimnastikaya həsr olunan iclaslarda əsasən zalın hazırlığı, media, akkreditasiya məsələləri, könüllülərlə iş və digər məsələlərlə bağlı müzakirələr aparılıb.