Activities calendar

Türkiyənin Təkirdağ vilayətinin Çərkəzköy şəhərində “Dünəndən bu günə qədər erməni təcavüzkarlığı və Xocalı soyqırımı” mövzusunda konfrans keçirilib.

Xudaferin.eu xəbər verir ki, Çərkəzköy Türk Ocaqları tərəfindən təşkil olunan tədbirdə şəhərin ziyalıları və rəhbər şəxsləri, yerli ictimaiyyətin təmsilçiləri iştirak ediblər. Xocalı şəhidlərinin xatirəsi bir dəqiqəlik sükutla yad olunduqdan sonra Anadolu Aydınlar Ocağının sədri, professor İbrahim Öztəkin məruzəsi dinlənilib.

Nigeriyanın STV kanalında məşhur aparıcı Gina Ehikodinin “Foodies & Spice” yemək verilişində 13 hissədən ibarət “Azərbaycan təamları” filminin növbəti buraxılışı yayımlanıb.

Xudaferin.eu xəbər verir ki, budəfəki verilişdə nigeriyalı aparıcı Azərbaycanın zəngin tarixə, mətbəxə və adət-ənənələrə malik bir ölkə olduğunu bildirir.

Müəllif verilişdə Azərbaycanın qədim şəhəri olan Şəkinin tarixindən və milli yeməklərindən olan pitinin hazırlanması qaydaları haqqında məlumat verir.

Suriyanın İdlib şəhərində müxalif qoşunlarının nəzarətində olan ərazidə bomba yüklü iki maşının partladılması nəticəsində 9 nəfər ölüb , 37 dinc sakin isə yaralanıb.

Ermənistanın sabiq prezidenti Robert Köçəryanın böyük oğlu Sedraka qarşı cinayət işi qaldırılıb.

Xudaferin.eu erməni KİV-lərinə istinadla xəbər verir ki, istintaq orqanları Sedrak Köçəryana qarşı çirkli pulların yuyulması və vergidən yayınma ittihamları irəli sürüblər. Sabiq prezidentin oğlundan ölkəni tərk etməmək barədə iltizam alınıb.

Diasporla İş üzrə Dövlət Komitəsinin televiziyası olan Diaspor TV vasitəsilə müxtəlif ölkələrdən “Xocalıya ədalət!” səsləndirilib. Belə ki, Diaspor TV-nin təşəbbüsü ilə dünyanın onlarla ölkəsindən xaricilər “Xocalıya ədalət!” istəyiblər.

Dövlət Komitəsi bildirir ki, soydaşlarımızla yanaşı, ABŞ, Rusiya, Ukrayna, Çin, Hindistan, Gürcüstan, Türkiyə, əksər Avropa və Ərəb ölkələrinin vətəndaşları da müsahibədə Xocalı soyqırımı haqqında məlumatlı olduqlarını bildirib, “Xocalıya ədalət!” deyiblər.

Bu il may ayının sonunda Avropa Parlamentinə keçiriləcək seçkilərlə bağlı ilkin proqnozlar açıqlanıb. Avropa Parlamentinin yaydığı məlumata görə, hazırda Avropa Xalq Partiyası parlamentdə ən güclü siyasi qüvvə olaraq qalır. Brexitdən sonra nümayəndələrinin sayı azalacaq parlamentdə mühafizəkarlar 183 nəfərlə təmsil oluna bilərlər (hazırda isə 217 nəfər). Mühafizəkarlardan sonrakı yerləri sosial-demokratlar 135 mandatla (hazırda isə 187) və liberal ALDE 75 mandatla (hazırda 68) tuturlar.