Çağırır indi bütün milləti imdada Vətən, Dəyişilməz ey oğul, cənnətə dünyada Vətən.
B.Vahabzadə
ATƏT regionunda müstəqil medianın və peşəkar jurnalistikanın inkişafına böyük ehtiyac var. Müstəqil media və peşəkar jurnalistlər olmadan demokratiya da olmur.
Bu sözləri AZƏRTAC-a müsahibəsində Avropada Təhlükəsizlik və Əməkdaşlıq Təşkilatı (ATƏT) Parlament Assambleyasının (PA) prezidenti Georgi Tsereteli söyləyib.
Britaniya və Çin arxeoloqları tərəfindən aparılan tədqiqatların yekunu sübut edib ki, ibtidai insanlar Afrika qitəsindən əvvəllər güman edildiyi kimi 1,85 milyon il deyil, 2,12 milyon il əvvəl ayrılıblar.
Uşaqların genetik modifikasiyası Böyük Britaniya alimləri arasında mübahisələrə səbəb olub.
Xudaferin.eu “The Guardian” qəzetinə istinadla xəbər verir ki, Nuffield Bioloji Etika Şurası bununla bağlı hesabat dərc edib. Qeyd olunub ki, insan rüşeymində DNT-nin dəyişdirilməsi uşağın maraqlarına uyğun olduğu təqdirdə “mənəvi cəhətdən yolveriləndir”. Söhbət valideynlərin arzusu ilə dünyaya genetik modifikasiya olunmuş xüsusi istedadlı körpələrin gətirilməsindən gedir.
Beş ildir çəltikçiliklə məşğul olan Rüfət Əskərov aldığı dövlət krediti hesabına çəltik sahəsinin həcmini iki dəfə artıra bilib. Fermer 20 hektar ərazidə çəltik əkib. Ən əsası isə çəltiyə qulluq zamanı aqrotexniki qaydalara tam riayət olunur.
Azərbaycanda ən çox ekoloji problemi olan ərazi Abşeron iqtisadi-coğrafi rayonudur. Bura həm istehsal vasitələri, həm də əhali ilə həddən artıq yüklənib. Son dövrlər əhalinin bu rayonun ərazisinə axını vəziyyəti daha da qəlizləşdirib. Belə ki, ölkə əhalisinin 40 faizi Abşeron yarımadasında cəmləşib. Abşeron yarımadasında torpaqların, neftlə çirklənmiş su hövzələrinin təmizlənməsi aparılır. Buna baxmayaraq, torpaq və su hövzələrinin neftlə çirklənməsi davam edir. Tikinti sənayesi də ekoloji problemlər yaradır. Abşeron yarımadasının relyefi mürəkkəbdir.
Bakı-Batumi neft kəmərinin Gürcüstanın qədim paytaxtı Mtsxeta şəhərində yerləşən aralıq nasos stansiyası Gürcüstanın daşınmaz mədəni abidələri siyahısına daxil edilib.
Xudaferin.eu AZƏRTAC-a istinadən xəbər verir ki, bununla əlaqədar Gürcüstanın Mədəni Abidələrin Mühafizəsi üzrə Milli Agentliyinin direktoru Nikolaz Antidze müvafiq əmr imzalayıb.
Sakura Azərbaycan–Yaponiya İctimai Birliyinin təşəbbüsü və dəstəyi ilə “Azərkitab” Kitab Təbliğatı Mərkəzində “Yaponiya–Azərbaycan Rəssamlarının gözü ilə” adlı sərgi-tədbir keçirilib.
“ADY Konteyner” şirkəti İtaliyadan gələn yüklərin Bakı-Tbilisi-Qars dəmir yolu vasitəsilə İran və ya Mərkəzi Asiya ölkələri və Çinə nəql edilməsi üçün sınaq daşımalarına başlayır.
Bu barədə “ADY Konteyner” şirkətinin direktoru Natiq Cəfərov AZƏRTAC-a eksklüziv açıqlamasında deyib.
İyulun 18-də Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin (MKS) əməkdaşları tərəfindən şəkil çəkmək bacarığı olan azyaşlı oxucular üçün Azərbaycan Xalça Muzeyinə ekskursiya təşkil olunub.
Türkiyənin hərbi gəmiləri Şimali Kipr sahillərində təxminən 30 kilometr aralıda batmaqda olan gəminin köməyinə cəlb olunub.
Xudaferin.eu Anadolu agentliyinə istinadla xəbər verir ki, gəmidə 150-yə yaxın qaçqın olub. Onlardan 102 nəfəri xilas edilib. Vəziyyəti ağır olanlar hərbi helikopterlərlə Şimali Kipin Girnə şəhərindəki xəstəxanaya daşınıb. Axtarış nəticəsində 19 cəsəd tapılıb. Təxminən 25 nəfərin axtarışı davam edir.
Xudaferin.eu
İyulun 18-də Nigeriyada badminton üzrə "Lagos İnternational-2018" beynəlxalq turniri başlayıb.
Xudaferin.eu AZƏRTAC-a istinadən xəbər verir ki, turnirdə ölkəmizi Edi Reski Dviçayo və Ezmi Qovimuramadhoni təmsil edirlər.
Təmsilçilərimizdən Ezmi Qovimuramadhoni mübarizəyə daha erkən qoşulacaq. Təsnifat mərhələsinin ilk görüşündən azad olan Ezmi ikinci mərhələdə nigeriyalı badmintonçular Kabiru Sarkin-Miri Adamu - Folorunşo İlesanmi Opeyori cütünün qalibi ilə üz-üzə gələcək.
İyulun 18-də Kiyevdə yeni bağın açılışı olub. Yaşıl zolağı Azərbaycan artisti və bəstəkarı Müslim Maqomayevə həsr ediblər.
Xudaferin.eu “İnformator”a istinadla xəbər verir ki, təntənəli açılış mərasimində Azərbaycanın və Ukraynanın mədəniyyət nazirləri Əbülfəs Qarayev və Yevgeni Nişuk, Azərbaycan Respublikası Diasporla İş üzrə Dövlət Komitəsinin sədri Fuad Muradov və digər şəxslər iştirak ediblər.
Bağın açılışı Maqomayevin 75 illik yubileyinə həsr edilib.
ABŞ-ın Kaliforniya ştatında yerləşən və heç kimin yaşamadığı Kerro-Qordo şəhəri 1,4 milyon dollara satılıb.
Xudaferin.eu CNN-ə istinadla xəbər verir ki, şəhər 1865-ci ildə gümüş mədəni yaxınlığında salınıb və bir müddət ştatda gümüş və qurğuşun hasilatında lider olub.
Daşınmaz əmlak agentinin sözlərinə görə, bu şəhər “vəhşi Qərbin” ayrılmaz hissəsinə çevrilib:
“Bir zamanlar burada orta hesabla hər həftə bir nəfər qətlə yetirilirdi”.
Bu ilin 1-15 avqust tarixlərində Gürcüstanda NATO-nun “Etibarlı tərəfdaş 2018” çoxmillətli hərbi təlimləri keçiriləcək.
Xudaferin.eu Gürcüstanın Müdafiə Nazirliyinə istinadla xəbər verir ki, hərbi təlimlərdə 13 ölkə iştirak edəcək.
Vaziani hərbi və Norio təlim bazasında keçiriləcək hərbi təlimlərdə 3000 hərbçi, ABŞ hərbi aviasiyası və Almaniya hərbi texnikası da cəlb olunacaq.
Azərbaycanda qanunsuz dini ədəbiyyat satan 45 nəfər barəsində protokol tərtib edilib.
Oxu.Az-ın məlumatına görə, bunu Dini Qurumlarla İş üzrə Dövlət Komitəsinin sədr müavini Gündüz İsmayılov ilin 6 ayının yekunları və qarşıda duran vəzifələrə həsr olunan kollegiya iclasında deyib.
Əfqanıstan səfiri Rusiyadan 1979-cu ildə ölkəsinə ordu yeridilməsinə görə üzr istəməsini tələb edib.
Xudaferin.eu-nun verdiyi xəbərə görə, o, bu addımın iki ölkə arasındakı münasibətlərin “dərinləşməsinə və möhkəmlənməsinə xidmət edəcəyinə” əmindir.
Əfqanıstanın Rusiyadakı səfiri Əbdül Qəyyum Kuçaq SSRİ-nin Əfqanıstanla münasibətlərdə 2 səhvə yol verdiyini bildirib.
Onun sözlərinə görə, birinci səhv 1978-ci ildə buraxılıb. O zaman SSRİ Əfqanıstanın “marionet” hökumətini tanıyıb.
Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyi ilə birgə Xəzər dənizinin sahil zolağında sanitar-gigiyena qaydalarına riayət edilməsi sahəsində nəzarətin gücləndirilməsinə dair Tədbirlər Planına uyğun olaraq Xaçmaz rayonu ərazisində reydlər keçiriblər.
İtaliya ATƏT-ə sədrlik çərçivəsində Azərbaycanın Dağlıq Qarabağ problemi ilə bağlı öz dəstəyini göstərəcək.
Xudaferin.eu-nun məlumatına görə, bunu İtaliya prezidenti Sercio Mattarella Bakıda Azərbaycan prezidenti İlham Əliyevlə birgə mətbuata bəyanatla çıxışında deyib.
“Bildiyiniz kimi, mən İtaliyanın Azərbaycana səfər edən ilk prezidentiyəm. Bundan çox böyük məmnunluq duyuram. Azərbaycan Respublikasının prezidenti İlham Əliyevin dəvəti ilə Azərbaycana gəlmişəm və dəvətə görə Sizə bir daha təşəkkürümü bildirirəm.