Activities calendar

Görkəmli Azərbaycan tarzəni Ramiz Quliyev Tehranın Mədəniyyət və İncəsənət Universitetində ustad dərsləri keçirəcək.

Bu barədə məlumat verən universitetin rektoru Susan Tağıpur bildirib ki, dekabrın 16-da və 17-də keçiriləcək ustad dərslərində tələbələrlə yanaşı, gənc müəllimlər də iştirak edəcəklər.

Dekabrın 21-də və 22-də isə Tehranın “Vəhdət” Mədəniyyət Sarayında Ramiz Quliyevin konserti olacaq. Konsertdə Azərbaycan bəstəkarlarının əsərləri səsləndiriləcək.

Rabil Kətanov

AZƏRTAC

Amerikalı tədqiqatçılar yeni 3D-çap texnologiyası yaradıblar. Onun köməyilə bir neçə saniyə ərzində üçölçülü obyektləri çap etmək mümkündür. Bu proses holoqrafik lazerlərdən istifadə etməklə başa gəlir.

Türkiyədə Fəthulla Gülən tərəfdarlarına qarşı əməliyyatlar başladıqdan sonra İstanbul polis orqanlarından 22 987 nəfər işdən azad edilib.

Xudaferin.eu-nun məlumatına görə, xidmətdən azad edilən bütün şəxslərin Gülən hərəkatı ilə ilə birbaşa əlaqələrinin olduğu müəyyənləşib.

Qeyd edək ki, 2016-cı ilin iyul ayında Türkiyədə hərbi çevriliş cəhdi baş verdikdən sonra İstanbul polisində F.Gülən tərəfdarlarının olduğu üzə çıxmışdı.

Xudaferin.eu

İtaliyanın Recco Kalabriya şəhərində polisin mafiyaya qarşı keçirdiyi əməliyyat nəticəsində 48 nəfər saxlanılıb.

Xudaferin.eu-nun məlumatına görə, 44 nəfər barəsində həbs qətimkan tədbiri seçilib, 4 nəfər ev həbsinə məhkum edilib.

Saxlanılanlar qanunsuz qruplar yaratmaqda, qanunsuz silah saxlamaqda, şantaj və “ndrangeta” mafiya təşkilatının xeyrinə fəaliyyət göstərməkdə ittiham olunub.

Bundan başqa, polis tərəfindən 25 milyon avro dəyərində əmlak müsadirə olunub.

Xudaferin.eu

2017-ci ilin yanvar-noyabr aylarında istehlak məhsullarının və xidmətlərin qiymətləri 2016-cı ilin müvafiq dövrünə nisbətən 13,4 faiz, o cümlədən ərzaq məhsullarının qiymətləri 17,1 faiz, qeyri-ərzaq mallarının qiymətləri 12,1 faiz, əhaliyə göstərilən ödənişli xidmətlərin qiymətləri 9,6 faiz bahalaşıb.

Məlumata görə, cari ilin noyabr ayında oktyabr ayına nisbətən istehlak məhsullarının və xidmətlərin qiymətləri 0,2 faiz, o cümlədən ərzaq və qeyri-ərzaq məhsullarının qiymətləri 0,3 faiz bahalaşmış, əhaliyə göstərilən ödənişli xidmətlərin qiymətləri isə sabit qalıb.

Kaliforniyada yanğının miqyası genişlənir.

Xudaferin.eu-nun məlumatına görə, hazırda yanğınların əhatə etdiyi ərazilər Nyu-York şəhərindən böyükdür.

Alov 93 min hektar əraziyə yayılıb. Bölgədə əsən güclü külək yanğının hər gün demək olar ki, 20 min hektar əraziyə yayılmasına səbəb olur.

Bu ştat tarixində şiddətinə görə 5-ci yanğın sayılır. Alovla mübarizə zamanı bir neçə yanğınsöndürən xəsarət alıb. Xilasedicilər yanğın nəticəsində həyatını itirən 70 yaşlı qadının cəsədini aşkarlayıblar.

Xudaferin.eu

2016-cı ildə dünyanın ən iri 100 hərbi sənaye kompaniyasının silah satışının və hərbi xidmətlərinin həcmində son beş ildə ilk dəfə olaraq artım baş verib.

Xudaferin.eu xəbər verir ki, bu barədə 2002-ci ildən silah satışlarının statistikasını dərc edən dünya problemləri üzrə Stokholm institutu məlumat yayıb. Statistikaya əsasən, 2016-cı ildə satışların ümumi həcmi 374,8 milyard dollar həcmində olub ki, bu da 2010-cu illə müqayisədə 1,9 faiz, 2002-ci illə müqayisədə isə 38 faiz çoxdur.

İran prezidenti Həsən Ruhani Səudiyyə Ərəbistanı ilə münasibətlərin yaxşılaşması üçün şərtləri açıqlayıb.

Xudaferin.eu-nun məlumatına görə, o bildirib ki, Ər-Riyadın İsraillə əlaqələr qurması və Yəməndəki hərbi əməliyyatları davam etdirməsi Tehran narazı salan əsas məsələlərdir.

Səudiyyə Ərəbistanı bu iki məsələyə son qoyarsa, Tehranla Ər-Riyad arasındakı gərginlik aradan qalxacaq.

Ruhani Ər-Riyadı xarici siyasətlə bağlı planlarını yenidən nəzərdən keçirməyə çağırıb.

Xudaferin.eu

Kiyev məhkəməsi Odessa vilayətinin sabiq başçısı və Gürcüstanın eks-prezidenti Mixeil Saakaşvili barəsində ev dustaqlığı qətimkan tədbirinin seçilməsi ilə bağlı vəsatəti təmin etməyib.

Xudaferin.eu-nun məlumatına görə, hakim Saakaşvilini Ali Rada deputatlarının zaminliyi ilə sərbəst buraxıb.

Məhkəmənin növbəti iclası dekabrın 14-də keçiriləcək.