Çağırır indi bütün milləti imdada Vətən, Dəyişilməz ey oğul, cənnətə dünyada Vətən.
B.Vahabzadə
Turan İnformasiya Agentliyinin direktoru Mehman Əliyev “Amerikanın Səsi” radiosuna verdiyi müsahibəsində bu faktı təsdiq etdi.
Noyabrın 2-də cinayət işinə xitam verilməsi ilə bağlı Baş Prokurorluq Mehman Əliyevə rəsmi məlumat verib. Mehman Əliyev Turan-ın fəaliyyətinin tam bərpa ediləcəyini bildirib.
İran Mollakratiya rejiminin Tehrandakı Evin zindanının 8-ci korpusunda məhbus həyatı yaşayan Güney Azərbaycan Milli Hərəkatının fəallarından biri olan mühəndis Siyamək Mirzayinin əsərləri toplusu internetdə PDF şəklində nəşr olunub.
"Dünya boyu jurnalistlər bütün cəmiyyətlərdə insanların həyatına təsir göstərən məsələləri işıqlandırmaq naminə şəxsi risklərə gedirlər,” deyə Dövlət Departamentinin sözçüsü Heather Nauert Jurnalistlərə Qarşı Cəzasızlığa Son Qoymaq Uğrunda Beynəlxalq Gün münasibətilə yaydığı bəyanatda deyib. “Onlar səlahiyyətdən sui-istifadə, korrupsiya hallarına işıq saçır, transmilli kriminal qruplaşmalardan qaynaqlanan təhlükələri ifşa edir, dezinformasiya və saxta hekayələr yayan propaqandanın qarşısını alırlar.
Ötən həftə İran mollakratiya rejiminin təhlükəsizlik qüvvələri tərəfindən saxlanılan Güney Azərbaycan Milli Hərəkatının fəallarından biri kimi tanınmış Mehdi Dustdar Ərdəbil zindanının müvəqqəti saxlanma korpusuna intiqal edilib.
İspaniya Milli Məhkəmə Palatasının hakimi Kataloniya hökumətinin 8 sabiq üzvü barəsində həbs qətimkan tədbiri seçib. Həbs edilənlər arasında həmçinin muxtar bölgə hökuməti rəhbərinin müavini Oriol Junkerasın olduğu bildirilir.
Hakim Kataloniya hökumətinin sahibkarlıq məsələləri üzrə sabiq müşaviri Santi Vilanın 50 min avro girov ödəmək şərti ilə azadlıqda qalmasına qərar verib. S.Vila Kataloniya parlamentinin müstəqillik elan etməsindən bir gün əvvəl tutduğu vəzifədən istefa verib.
Rəsmi Bağdad Quzey İraqda kürd bölücü hərəkatına qarşı hərbi əməliyyat keçirə bilər.
İKBY rəhbərliyi, ABŞ-ın nəzarəti altında İraq ordu birlikləri və Peşmərgənin Türkiyə sərhədinə birlikdə yerləşməsini təklif edib. Mərkəzi hökumətin təklifi qəbul etməsi gözlənilmir.
İraqda nəzarət etdiyi sərhəd qapılarını mərkəzi hökumətə təhvil verən Məsud Bərzani, Türkiyə sərhəddinə Ordu birlikləri və Peşmərgənin birlikdə yerləşməsini təklif edib.
Mehman Əliyevə və Turan Agentliyinə qarşı atılan addımın səhv olduğunun etiraf edilməsi gec olsa da, vacib məqamdır. Mehman Əliyevə və Turan Agentliyinə qarşı ittihamın götürülməsi barədə prokurorluğun müstəntiqinin imzası olan rəsmi sənəd təəssüf ki, kobud səhvə yol verildiyini təsdiq edir.
Bu, problemin həlli deyil, həmin qruplaşmanın üzərində kiçik, ancaq mühüm qələbədir.
Vergilər Nazirliyinin əməkdaşları Şəmkir rayon sakini Musa Səfərovun adına sex açıblar. Daha sonra onun işçilərlə əmək müqaviləsi bağlamadığına dair akt tərtib ediblər.
10 milyon əhalisi olan Azərbaycanda 950-yə yaxın vəkil var. Başqa sözlə, hər 11 min 100 nəfərə cəmi bir vəkil düşür. Müstəqil hüquqşünaslar düşünürlər ki, hələ ölkədə vəkilliklə bağlı durum daha da pisləşə bilər. Belə ki, Mülki və İnzibati Prosessual məcəllələrə, eləcə də vəkillik haqqında Qanunun dəyişdirilməsi təklif olunur. Ali məhkəmə verdiyi bu təklifləri vəkillik institutunun daha da möhkəmləndirilməsi ilə izah edir.
Noyabrın 2-də bütün dünyada “Jurnalistlərə qarşı cəzasız cinayətlərə son qoyulması günü” qeyd olunur. YUNESKO-nun məlumatlarında bildirilir ki, təkcə son 5 ildə (2012-2016-cı illərdə) dünyada 530, son 11 ildə isə 930 jurnalist həlak olub. BMT-nin məlumatlarına görə, 2017-ci ilin ilk on ayı ərzində 47 KİV əməkdaşı öldürülüb. Bu halda orta hesabla hər 10 hadisədən 9-da belə cinayətləri törədənlər cəzasız qalır.
Çexiyanın 6 ali məktəbi dünyanın 1000 ən yaxşı universitetinin hər il tərtib edilən “News Best Global Universities Ranking” beynəlxalq reytinq siyahısına daxil edilib.
Çexiya ali məktəbləri arasında birinci yeri Karl Universiteti tutur. Dünyanın 1250 ali məktəbini əhatə edən tədqiqatın nəticəsində tərtib olunmuş reytinq siyahısında bu universitet 196-cı yeri tutur. Keçən il müvafiq araşdırma 750 ali məktəbi əhatə edirdi.
Almaniya hökuməti ölkə ərazisində sığınacaq verilməyən və deportasiya edilməli olan təxminən 30 min xarici ölkə vətəndaşının harada olduğunu bilmir. Bu barədə məlumat noyabrın 2-də “Bild” qəzetində dərc olunan məqalədə yer alıb.
Daşkənddəki Azərbaycan səfirliyinin nəzdindəki Azərbaycan Mədəniyyət Mərkəzində (AMM) İsveçdə yaşayan azərbaycanlı yazıçı Eluca Atalının özbək dilində çap edilən “Özünü gətir” və Bakıda Azərbaycan dilində işıq üzü görən “Tiqranizm Xocalıda” kitablarının təqdimatı olub.
Türkiyə Milli Kitabxanasında Molla Pənah Vaqifin yaradıcılığına həsr edilən beynəlxalq elmi konfrans keçirilib və şairin Azərbaycan Milli Kitabxanasının fondunda saxlanılan əsərlərindən ibarət kitab sərgisi açılıb. Tədbir Azərbaycan şairi Molla Pənah Vaqifin anadan olmasının 300 illiyi münasibətilə TÜRKSOY-un 2017-ci ili “Molla Pənah Vaqif İli” elan etməsi çərçivəsində təşkil edilib.
Noyabrın 15-də Musiqi Mədəniyyəti Dövlət Muzeyində görkəmli müğənni, xalq artisti Müslüm Maqomayevin 75 illiyi çərçivəsində tədbir keçiriləcək. Muzeyin təşkilatçılığı ilə reallaşacaq tədbir “Müslüm Maqomayevin 75 illik yubileyinin keçirilməsi haqqında” müvafiq Sərəncamına əsasən gerçəkləşəcək.
Milli teatr mədəniyyəti ənənələrinə sadiq olan Bakı Bələdiyyə Teatrının yaradıcı kollektivi ölkə hüdudlarından kənarda da uğurlu çıxışlara imza atır. Bu sənət ocağının beynəlxalq uğurları sırasında məşhur rejissor K.Zanussinin öz pyesi əsasında quruluş verdiyi “Qadın oyunları” tamaşası mühüm yer tutur.
Yerli mətbuatın yazdığına görə, Ermənistanda əhalinin sayı sabit qaydada azalır ki, bu da ölkənin gələcəyini qeyri-müəyyən vəziyyətə salıb. Ölkənin milli statistika xidmətinin cari ilin ötən 9 ayında demoqrafik vəziyyəti əks etdirən rəqəmləri dərc etməsi vahimə yaradır.
Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 119 dəfə pozub.
Cəbrayıl rayonunun işğaldan azad edilmiş Cocuq Mərcanlı kəndində yenidənqurma işlərinin ikinci mərhələsi başa çatmaq üzrədir. Artıq kəndə köçürüləcək ailələrin siyahılarının hazırlanmasına başlanılıb.