Brüssel Böyük Britaniyaya ölkənin Avropa İnvestisiya Bankındakı səhmlərinə görə milyardlarla funt ödəməlidir.

Britaniyanın Baş naziri Tereza Mey Avropa İttifaqına “Brexit” üzrə danışıqlar zamanı ölkəsinin qurum qarşısında öhdəlikləri ilə yanaşı, maliyyə hüquqlarının da bərabər şəkildə nəzərə alınmasını xatırladıb. Baş nazir bildirib ki, Britaniya Aİ ilə birgə bir neçə böyük maliyyə və investisiya layihələrində iştirak edir. Buna görə də son hesablaşmada müvafiq paya malikdir və bu, danışıqların mühüm hissəsi olacaq. Krallıq hökumətindəki mənbə qəzetə bildirib ki, Böyük Britaniyanın Avropa İnvestisiya Bankındakı payı təxminən 10 milyard avro həcmində qiymətləndirilir.

Xatırladaq ki, bir qədər əvvəl KİV-lərdə yayılan məlumatlara görə, Aİ rəhbərliyi vaxtilə Londonun üzərinə götürdüyü öhdəliklər müqabilində Britaniyadan 100 milyard avro ödəniş tələb edə bilər.

Xudaferin.eu
“Avropa Bürosu”