Bakıya uçan təyyarədə etiraz - Erməni yeməyi verildi

 

Rusiyanın "Aeroflot" aviaşirkətinə məxsus təyyarədə Moskva-Bakı reysində sərnişinlərə erməni yeməyi təklif olunub.

Sosial şəbəkədə yayılan videoda sərnişin menyunu soruşan zaman “ermənisayağı hinduşka düyü ilə” deyə stüardessa cavab verib. Sərnişinlər onun bu hərəkətinə narazılıq edib.

AZAL-dan "erməni yeməyi" olayına reaksiya

İstənilən şirkət öz müştərilərinin istəklərini nəzərə almağa borcludur. Bunu AZAL-ın Moskvadakı nümayəndəsi Rahib İsayev deyib. Onun sözlərinə görə, "Aeroflot"un Moskva-Bakı reysinin menyusunda "ermənisayağı hinduşka" yeməyinin təklif olunması qəsdən edilən səhv deyil.

"Çox güman ki, rasion tərtib edilərkən yanlışlığa yol verilib. Aviaşirkət sərnişinlərin istəklərini nəzərə almaya və onların milli hissləri ilə oynaya bilməz. Məsələn, AZAL-ın reyslərində uçuş istiqamətləri və ilin fəsillərindən asılı olaraq, müxtəlif qidalar var, o cümlədən faydalı və pəhriz qidaları", - deyə Rahib İsayev deyib.

O, həmçinin bildirib ki, tezliklə AZAL səhvi düzəltmək xahişi ilə "Aeroflot"a müraciət edəcək. "Aeroflot"un Moskva-Bakı reysi sərnişinlərindən birinin məlumatı və çəkdiyi video AZAL rəhbərliyinin diqqətinə çatdırılıb. Yaxın vaxtlarda, yəqin ki, müvafiq sorğu göndəriləcək. Biz bu məsələni nəzarət altında saxlayacağıq", - deyə o bildirib.

Cebhe.info

 

09:26