Azərbaycanda satılan bu dolları Rusiyada qəbul etmirlər

Vətəndaşlar bildirirlər ki, bu cür dollarları Rusiya bankları qəbul etmirlər. Paytaxtda banklarda valyuta dəyişən zaman vətəndaşlara xüsusi ştamplı dollarlar verilir. Bu pulları isə Rusiyada istifadə etmək mümkün deyil. Bununla bağlı müraciət edən vətəndaşlar bildirirlər ki, Azərbaycanda banklarda dəyişdikləri, yəni aldıqları dollarları Rusiyada istifadə edə bilmirlər. Dollara vurulmuş kiçik möhürlər səbəbindən Rusiyada xırdalanmır. Rusiya bankları bu dollarları almaqdan imtina edirlər.

Ekspert Əkrəm Həsənov məsələ ilə bağlı musavat.com-a bildirib ki, bu dollarlar əslində saxta deyil: "Belə ştamplara adətən tez-tez rast gəlinir. Ərəb ölkələrində də var, bizdə də var, bəzi digər ölkələrdə də var. Bankların bəziləri, sadəcə, banknotu yoxlayanda həqiqi olmağını bununla təsdiqlədir. Bəziləri özünə uyğun ştamp vurur ki, sonra nə zamansa yoxlasın, həmin pul ona qayıdacaq, ya yox? Belə baxanda, müxtəlif səbəblərdən bu ştamplar vurulur. Əksər ölkələrdə bu, dollara etibarı azaltmır. Əsas odur ki, əsginaz özü həqiqidir.
Rusiyada isə belə şeyləri tez-tez edirlər, bu cür valyutaları qəbul etmirlər. Elə bir ciddi problem deyil, əslində sırf Rusiyada belədir. Ştamplar həmişə var, indi problem kimi ortaya çıxmayıb. Rusiyada qəbul etməmələri öz yanaşmalarıdır. Digər ölkələrdə bu cür valyutanı banklar qəbul edirlər".

Xudaferin.eu

11:26